ونلاين رەجىمدە ۇيىمداستىرىلاتىن باسقوسۋدىڭ ماقساتى – زاماناۋي جاعدايداعى عىلىم مەن ءبىلىم بەرۋدى دامىتۋدىڭ باعىتتارى مەن جاھاندىق ماسەلەلەردى عىلىمي-پراكتيكالىق تۇرعىدا نەگىزدەۋ.
وتاندىق جانە شەتەلدىك عالىمداردىڭ قاتىسۋىمەن وتەتىن كونفەرەنتسيا جۇمىسى 5 باعىتتا ۇيىمداستىرىلماق. اتاپ ايتقاندا, جيىن قاتىسۋشىلارى «دەنە شىنىقتىرۋ جانە سپورت سالاسىنىڭ وزەكتى ماسەلەلەرى جانە بولاشاعى», «قازىرگى جاعدايدا مەكتەپكە دەيىنگى جانە باستاۋىش ءبىلىم مەن تاربيە بەرۋدىڭ ساباقتاستىق ماسەلەلەرى», «پراكتيكالىق پسيحولوگياداعى زاماناۋي ادىستەر مەن يننوۆاتسيالار» جانە «ارنايى ءبىلىم بەرۋ جۇيەسىنىڭ وزەكتى ماسەلەلەرى: يننوۆاتسيالىق تەندەنتسيالار» سەكتسيالارى بويىنشا ءوزارا پىكىر الماسىپ, پايىمدى ويلارىن ورتاعا سالماق.
– ايتا كەتەيىك, بيىلعى جىلدىڭ 23 ساۋىرىندە وتەتىن «عىلىم مەن ءبىلىم سالاسىنداعى زاماناۋي ترەندتەر» اتتى حالىقارالىق عىلىمي-پراكتيكالىق كونفەرەنتسيا قىزدار ۋنيۆەرسيتەتىنىڭ پەداگوگيكا جانە پسيحولوگيا جوعارى مەكتەبى, ۋكراينا پەداگوگيكالىق عىلىمدار ۇلتتىق اكادەمياسىنىڭ پەداگوگيكا, پسيحولوگيا ينستيتۋتتارىنىڭ مۇرىندىق بولۋىمەن ۇيىمداستىرىلىپ وتىر, – دەپ اتاپ ءوتتى قىزدار ۋنيۆەرسيتەتىنىڭ ءباسپاسوز جانە قوعاممەن بايلانىس ءبولىمىنىڭ باسشىسى جاندار اسان.
كونفەرەنتسياعا كەلىپ تۇسكەن ماتەريالدار نەگىزىندە ارنايى جيناق جارىق كورەدى.
