2021 جىلدىڭ باسىندا وسى جەلىدە «تيماتيدەن ساۋالناما» اتتى جارناما ءجيى شىققان بولاتىن. اقپارات سەنىمدى بولىپ كورىنۋى ءۇشىن ءارتىس پەن پروديۋسەردىڭ اتىنان ۆيدەوۇندەۋ جاريالانعان. ۆيدەودا ولار ساۋالناماعا جاۋاپ بەرگەندەرگە ميلليون تەڭگە بەرەتىنىن ايتقان. ساۋالناماعا جاۋاپ بەرگەندەردى ارنايى سايتقا باعىتتاعان, ول سايتتا اقشا ۇتىپ العانى ءۇشىن قوماقتى كوميسسيا تولەۋى كەرەكتىگى تۋرالى ايتىلعان. الاياقتار ديماش قۇدايبەرگەندى دە اينالىپ وتپەدى. Facebook جەلىسىندە Diimaاsh دەگەن پاراقشا پايدا بولدى. اتالعان پاراقشادا ديماشتىڭ سۋرەتى مەن ونى تىكەلەي ەفيرىنەن ءۇزىندى جاريالانعان.
«مەن بۇگىن بارشاڭىزعا باتا بەرەمىن. بۇل كوممەنتاري جازعان العاشقى 1000 ادامعا (ناقشا) $ 10,000 الادى. مۇنىڭ شىن ەكەنىنە سەنىڭىز. بۇل سىيلىق ءبىزدىڭ سىيلىقتى بۇرىن-سوڭدى جەڭىپ الماعان ادامدارعا ارنالعان», دەپ جازىلعان ۆيدەو سيپاتتاماسىندا.
بۇل جالعان پاراقشا ەكەنىنىڭ تاعى ءبىر دالەلى – پىكىرلەر اراسىنا پاراقشا اۆتورلارىنىڭ حابارلاما قالدىرۋى بولدى.
«سالەم بارلىق جانكۇيەرلەر ... ءبىزدىڭ كوماندادان پلاتفورماعا سەنىم بىلدىرگەنىڭىز ءۇشىن راقمەت. ينەستاتسيانى باستاۋ ءۇشىن ءسىز ءوزىڭىزدىڭ اتىڭىزدى تىركەۋىڭىز كەرەك. مۇندا باسىڭىز => https://bit.ly/3tK4mOK, سودان كەيىن نۇسقاۋلاردى ورىنداڭىز جانە ءسىزدىڭ اتى-ءجونىڭىز اۆتوماتتى تۇردە ءسىز تابىسقا جەتكەننەن كەيىن تىركەلەدى, ءبىزدىڭ كوماندا ءسىزدىڭ جەڭىمپاز ەكەنىڭىزگە 100% كوز جەتكىزەدى», دەپ جازىلعان حابارلامادا.
شىن مانىندە وسى سىلتەمەگە وتكەن ادامنىڭ جەكە مالىمەتتەرى الاياقتاردىڭ قولىنا تۇسەدى. وسىلايشا بانك قوسىمشالارى مەن پارولدەرى الاياقتار ءۇشىن قولجەتىمدى بولىپ, ولار ونى ءوز ماقساتتارىنا قولداناتىن بولادى.
