ءىس-شارانى قر ۇلتتىق كىتاپحاناسىنىڭ ديرەكتورى وسپانوۆا باقىتجامال قايىربەكقىزى اشىپ, الىبەك اسىلباي ۇلىن 70 جىلدىق مەرەيتويىمەن قۇتتىقتاپ, قر ۇلتتىق كىتاپحاناسىنىڭ 110 جىلدىعىنا ارنالعان مەرەيتويلىق مەدالىمەن ماراپاتتادى.
⠀
قر ۇلتتىق كىتاپحاناسىنىڭ ۇلتتىق بيبليوگرافيا قىزمەتىنىڭ جەتەكشىسى ءابىلوۆا مايرا كۇندىلداقىزى الىبەك اسقاروۆتىڭ ءومىرى مەن شىعارماشىلىعىنا ارنالعان بيبليوگرافيالىق كورسەتكىشىن تانىستىرىپ, بەلگىلى جازۋشىلار ك.سەگىزباەۆ, ب.نۇرجەكە ۇلى, ق.قۇرمانعاليەۆ لەنتا قيۋ ءراسىمىن وتكىزدى.
⠀
كەزدەسۋدى ءارى قاراي مودەراتور, اقىن, حالىقارالىق «الاش» ادەبي سىيلىعىنىڭ يەگەرى, قازاقستان جازۋشىلار وداعى باسقارما توراعاسىنىڭ ورىنباسارى باقىت بەدەلحان ۇلى جۇرگىزدى.
⠀
سونىمەن قاتار, «اتامۇرا» باسپاسى قايتا باسىپ شىعارعان ءا.اسقاروۆتىڭ ء«ور التاي, مەن قايتەيىن بيىگىڭدى...» كىتابى تانىستىرىلىپ, س.مەدەۋبەك ۇلى, ت.ماماشەۆ, ر.قۇل-مۇحاممەد جاڭا كىتاپتىڭ لەنتا قيۋ ءراسىمىن وتكىزدى. وسپانوۆا ب.ق. باسپاگەر, فيلوسوفيا عىلىمدارىنىڭ كانديداتى, «اتامۇرا» كورپوراتسياسىنىڭ پرەزيدەنتى راحىمعالي قۇل-مۇحاممەدتى ۇلتتىق كىتاپحانانىڭ كىتاپ قورىن تولىقتىرۋعا جانە كىتاپتىڭ وقىرماندارعا كەڭ تارالۋىنا, سونداي-اق كىتاپ مارتەبەسىن كوتەرۋگە جانە كىتاپتى ناسيحاتتاۋعا قوسقان زور ۇلەسى ءۇشىن قر ۇلتتىق كىتاپحاناسىنىڭ 110 جىلدىعىنا ارنالعان مەرەتويلىق مەدالىمەن ماراپاتتادى.
⠀
كەزدەسۋ بارىسىندا مەرەيتوي يەسىنە ارناپ ايتىسكەر اقىن تالانت ارعىنعالي «ارناۋ» ءانى مەن قر ۇلتتىق كىتاپحاناسىنىڭ قىزمەتكەرى تاڭجارىق ورمانبەكوۆ تەرمە ورىندادى.
⠀
ءىس-شارادا جازۋشى, م.اۋەزوۆ اتىنداعى سىيلىعىنىڭ لاۋرەاتى ك.سەگىزباەۆ, اقىن, قر جازۋشىلار وداعىنىڭ توراعاسىنىڭ ورىنباسارى ب.جاقىپ, مەملەكەت جانە قوعام قايراتكەرى ت.ماماشەۆ, اقىن, فيلولوگيا عىلىمدارىنىڭ كانديداتى س.مەدەۋبەك ۇلى, اقىن, اۋدارماشى ق.قۇرمانعاليەۆ, جازۋشى, قر مەملەكەتتىك سىيلىعىنىڭ يەگەرى ب.نۇرجەكە ۇلى, اقىن, قازاقستان جازۋشىلار وداعىنىڭ مۇشەسى ءا.قايىربەكوۆ, جازۋشى ا.نۇرداۋلەت جانە ت.ب. ءسوز سويلەپ, جىلى لەبىزدەرىن ءبىلدىردى.
⠀
ءىس-شارانى جازۋشى الىبەك اسىلباي ۇلى اسقاروۆ ءوزى قورىتىندىلادى.
⠀
شارا قوناقتارى مەن قاتىسۋشىلارىنىڭ نازارىنا قر ۇلتتىق كىتاپحاناسىنىڭ قورىنان ۇيىمداستىرىلعان ءا.اسقاروۆتىڭ ءومىرى مەن شىعارماشىلىعىنا ارنالعان «التايدىڭ سىرلى قالامگەرى» اتتى كىتاپ كورمەسى جان-جاقتى تانىستىرىلدى.
