«جادىگەر جاۋھارلار» جوباسى

جاقىندا الماتى مۋزەيىندە «جادىگەر جاۋھارلار» جوباسى اياسىندا youtube باعدار­لا­مانىڭ تانىستىرىلىمى وتكەن بولاتىن. باعدارلاماعا «ال­ماتى ماڭىنان تابىلعان ارحەولوگيالىق ارتەفاكتىلەر» كورمەسى ارقاۋ بولدى. مادەنيەت باسقارماسىنىڭ تاپسىرىسىمەن جۇرگىزىلگەن قازبا جۇمىستارى بارىسىندا تابىلعان بىرەگەي قۇندى ەكسپوناتتار وسى كورمەگە قويىلىپ, قالا تۇرعىندارىنىڭ نازارىنا ۇسىنىلعان-دى.

«جادىگەرلەر قازاقستاننىڭ ەجەلگى تۇرعىندارىنىڭ ما­تە­ريالدىق جانە رۋحا­ني ما­­دەنيەتىن بەينەلەيتىن عىلى­مي جانە مادەني تاريحي قۇن­دى­لىققا يە ەرتە تەمىر ءداۋىرىنىڭ ەسكەرت­كىشتەرى بولىپ تابىلا­دى. قالا تۇرعىندارى مەن قوناق­تارى بۇل كورمەنى وسى جىلدىڭ 15 اقپانىنا دەيىن تا­لاماشالاي الادى», – دەيدى مۋزەي ديرەكتورىنىڭ عىلىم جو­نىندەگى ورىنباسارى, تاريحشى سەرجان سا­روۆ. كورمە بارىسىندا ءال-فارابي اتىنداعى قازۇۋ ارحەو­لوگيا, ەتنولوگيا جانە مۇراجايتانۋ كافەدراسىنىڭ مەڭگەرۋشىسى رينات جۇماتاەۆ, ارحەولوگ باۋىرجان بەسەتاەۆ, ءا.مار­عۇلان اتىنداعى ارحەو-

­­لوگيا ينستيتۋتىنىڭ قىز­مەتكەرى ەرالى اقىمبەك قاتى­سىپ, كورمەگە كەلۋشىلەردىڭ, ستۋدەنتتەردىڭ سۇراقتارىنا جاۋاپ بەردى.

ەرتە عاسىر كۋاسىندەي بولعان جادىگەرلەر قاتارىندا ەرتە تەمىر داۋىرىنە تيەسىلى التىن جاپسىرمالار, مەدەۋ مۇز ايدىنىنىڭ شىعىسىنان تابىلعان ورتا عاسىرلىق جادىگەرلەر, جەتىسۋ, قاستەك قالاشىعىنا تيەسىلى كوپتەگەن بۇيىم بار. تەمىر قا­زاننىڭ ءبۇيىرى, قايشى, پى­شاق, كەتپەن, تاعا, شىنى ىدىس, تاباقشا, قولا قازاننىڭ سى­نىعى, سۇيەك تاياقشالار, شى­راعدان, جازۋ قۇرالى, تاعى دا باسقا جادىگەرلەر دالا مادە­نيە­تىنىڭ سول داۋىرگە ءتان ەرەكشە كورىنىستەرىن كوز الدىنا اكەل­گەندەي اسەرگە بولەيدى.

الماتى