قازاقستان رەسپۋبليكاسىنىڭ قارۋلى كۇشتەرىندە جاس ساربازدار اسكەري انت قابىلدادى. 2013 جىلدىڭ كۇزىندە ءتول ارميامىزعا اسكەري قىزمەتكە شاقىرىلعان مىڭ جارىمعا جۋىق مەرزىمدى قىزمەتتىڭ اسكەري قىزمەتشىلەرى وتانعا ادالدىققا سەرت بەردى.
قازاقستان رەسپۋبليكاسىنىڭ قارۋلى كۇشتەرىندە جاس ساربازدار اسكەري انت قابىلدادى. 2013 جىلدىڭ كۇزىندە ءتول ارميامىزعا اسكەري قىزمەتكە شاقىرىلعان مىڭ جارىمعا جۋىق مەرزىمدى قىزمەتتىڭ اسكەري قىزمەتشىلەرى وتانعا ادالدىققا سەرت بەردى.
اسكەر قاتارىنا جاڭادان الىنعان جاس جىگىتتەر تاراز, تالدىقورعان, قاپشاعاي, پريوزەرسك قالالارىندا, وتار, بورالداي كەنتتەرىندە قۇرلىق اسكەرلەرىنىڭ, اۋە قورعانىسى كۇشتەرىنىڭ ارنايى اسكەرلەر مەن بايلانىس اسكەرلەرىنىڭ بولىمدەرىن تولىقتىردى.
قازاقستان قارۋلى كۇشتەرىنىڭ قاتارىنا جاڭا قوسىلعان اسكەري قىزمەتشىلەردىڭ انت قابىلداۋى سالتاناتتى جاعدايدا ءوتتى. راسىمگە كومانديرلەر مەن قىزمەتتەستەردەن باسقا شاقىرىلعان قوناقتار مەن اتا-انالار, جەرگىلىكتى اتقارۋشى ورگانداردىڭ وكىلدەرى, ارداگەرلەر قاتىستى.
مەرزىمدى قىزمەتتىڭ ساربازدارى انت قابىلداعاننان كەيىن كىشى مامانداردى دايارلاۋ باعدارلاماسى بويىنشا جاۋىنگەرلىك وقۋعا كىرىستى. جارتى جىلدان كەيىن ولار ارتيللەريستەر, تانكيستەر, بايلانىسشىلار, اتقىشتار جانە ت.ب. ماماندىقتار الىپ شىعادى. وقۋ-جاتتىعۋ ورتالىقتارىندا دايارلىقتارى اياقتالعان سوڭ, مەرزىمدى قىزمەتتىڭ اسكەري قىزمەتشىلەرى قارۋلى كۇشتەر تۇرلەرى مەن اسكەر تەكتەرىنىڭ اسكەري بولىمدەرىنە جىبەرىلەتىن بولادى.
«ەگەمەن-اقپارات».
