شارانىڭ رەسمي اشىلۋ راسىمىنە قىزىلوردا وبلىستىق ءماسليحاتىنىڭ حاتشىسى ناۋرىزباي بايقاداموۆ, وبلىستىق ءبىلىم باسقارماسىنىڭ باسشىسى اقزيرا قاسىموۆا جانە وڭىردەگى كوللەدج ديرەكتورلارى قاتىستى.
قۇزىرەتتىلىك ورتالىعى ءوڭىر ەكونوميكاسىن باسەكەگە قابىلەتتى ەڭبەك رەسۋرستارىمەن قامتاماسىز ەتۋ, ينجەنەر-پەداگوگ كادرلاردىڭ بىلىكتىلىگىن ارتتىرۋ جانە قايتا دايارلاۋ بويىنشا ساپالى قىزمەتتەر كورسەتۋگە مۇمكىندىك بەرەدى.
كوللەدجدەگى جاڭا ورتالىق «جاس مامان» جوباسى اياسىندا ىسكە اسىپ, ناتيجەسىندە 2 زەرتحانالىق كابينەتپەن جابدىقتالعان. بۇل «ەلەكترمەن قامتاماسىز ەتۋ», «ەلەكتر جانە ەلەكتر مەحانيكالىق جابدىقتار» ماماندىقتارىنىڭ ستۋدەنتتەرى ءۇشىن ەرەكشە مۇمكىندىك بەرمەك.
جاڭا ورتالىقتا وقۋ زەرتحاناسى, WorldSkills ترەناجارلىق جاتتىعۋ كابينەتى ورنالاسقان. قۇزىرەتتىلىك ورتالىقتىڭ جۇمىسىن ءتيىمدى ۇيىمداستىرۋ ءۇشىن بىرقاتار كاسىپورىندارمەن ەكىجاقتى مەموراندۋم جاسالدى.
الداعى كەزدە جاڭا ورتالىقتا كوشپەلى جانە قاشىقتىقتىق ادىستەمەلىك ءىس-شارالار, كونكۋرستار مەن سەمينارلار, ماستەر-كلاس وتكىزىلەدى.
