9 اقپان كۇنى ع. مۇسىرەپوۆ ات. اۋداننىڭ پوليتسيا بولىمىنە شامامەن ساعات 16.00-دە نوۆويشيمسكوە اۋىلىنىڭ “اقنانسەۆەر” جشس ەلەۆاتورىندا بولعان وقيعا تۋرالى حابارلاما كەلىپ تۇسكەن. ءداندى داقىلداردى ساقتاۋعا ارنالعان مەتالل سيلوستى تازالاۋ كەزىندە شۇڭقىر پايدا بولىپ, 36 جاستاعى جۇمىسشى شۇڭقىرعا قۇلاپ مەرت بولعان. ونىڭ دەنەسى شامامەن ساعات 23-تە سىرتقا شىعارىلدى.
جەدەل-تەرگەۋ توبى وقيعا ورنىن قاراپ, كۋاگەرلەردەن جاۋاپ الدى. وندىرىستە قازا بولۋ فاكتىسى سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە قر قىلمىستىق كودەكسىنىڭ 156-بابى 3-بولىگى (ەڭبەكتi قورعاۋ قاعيدالارىن بۇزۋ) بويىنشا ەنگىزىلدى.
– وقيعانىڭ تولىق جانە وبەكتيۆتى ءمان-جايىن انىقتاۋعا باعىتتالعان تەرگەۋ ارەكەتتەرى جۇرگىزىلۋدە, – دەدى اۋداندىق پوليتسيا ءبولىمىنىڭ باستىعى مارات ءالجانوۆ.
