پرەزيدەنت • 11 اقپان، 2021

پرەزيدەنت: جەرگىلىكتى ءونىمدى انىقتايتىن ءادىستىڭ ءوزىن جەتىلدىرۋ كەرەك

27 رەت كورسەتىلدى

جەرگىلىكتى ءونىمدى انىقتايتىن ءادىستىڭ ءوزىن جەتىلدىرۋ كەرەك. بۇل تۋرالى پرەزيدەنت Samruk Business Forum وتاندىق تاۋار وندىرۋشىلەردى قولداۋ فورۋمىندا مالىمدەدى، دەپ حابارلايدى Egemen.kz

قاسىم-جومارت توقاەۆ جەرگىلىكتى ءونىمدى انىقتايتىن ءادىستىڭ ءوزىن جەتىلدىرۋ كەرەك دەپ سانايدى. ال وندا ەكىۇشتىلىق پەن ءارتۇرلى تۇسىنىك بولماۋى كەرەك. بۇل ءوز كەزەگىندە ونەركاسىپ ساياساتىن دۇرىس قۇرۋعا، قولداۋ مەحانيزمدەرىن ءتيىمدى پايدالانۋعا مۇمكىندىك بەرەدى. سونىمەن قاتار ساتىپ الۋ پروتسەسىنىڭ بارلىق كەزەڭدەرىن اشىق وتكىزۋ ماڭىزدى جۇمىستىڭ ءبىرى.

«جۇرتتىڭ ساتىپ الۋ جوسپارى مەن شارتتارى تۋرالى اقپاراتقا قول جەتكىزە الماۋى، قۇپيا ءسوز بايلاسىپ شەشىم قابىلداۋ دەگەن سياقتى ارەكەتتىڭ ءبارى وتكەن كۇننىڭ ەنشىسىندە قالۋى ءتيىس. بۇل ماڭىزدى ماسەلەدە وڭ وزگەرىستەر باستالعانىن ايتا كەتكىم كەلەدى. اتالعان سالانى تسيفرلاندىرۋ «قيسىنسىز» شەشىمدەردى تەز انىقتاۋعا جانە سۇزگىدەن وتكىزۋگە، ارتىق باعالاردىڭ الدىن الۋعا جانە ساپالى تاۋارلار مەن كورسەتىلەتىن قىزمەتتەردى ساتىپ الۋعا مۇمكىندىك بەرەدى. تەندەرلەر مەن كونكۋرستىق كوميسسيالاردىڭ شەشىمدەرى اراسىندا كەلىسپەۋشىلىك تۋىنداعان جاعدايدا ونداي داۋلاردى شەشۋدىڭ اشىق مەحانيزمىن ازىرلەۋ قاجەت. وسى جانە باسقا دا اسپەكتىلەر «كۆازيمەملەكەتتىك سەكتورداعى ساتىپ الۋ تۋرالى» زاڭدا بەكىتىلۋى كەرەك. زاڭ جوباسى پارلامەنتكە جىبەرىلدى. دەپۋتاتتاردان مۇنى وسى سەسسيادا مۇقيات قاراپ، قابىلداۋدى سۇرايمىن»، دەدى پرەزيدەنت.

سوڭعى جاڭالىقتار

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار