ەستەرىڭىزگە سالا كەتەيىك, 2021 جىلدىڭ 1 اقپانىنان باستاپ الماتىدا COVID-19-عا قارسى كەزەڭ-كەزەڭمەن ۆاكتسيناتسيالاۋ باستالدى.
ءبىرىنشى كەزەڭ بارىسىندا 1 315 مەديتسينا قىزمەتكەرى ۆاكتسيناتسيالاندى.
"دارىگەر-ەپيدەميولوگ رەتىندە مەن دە ۆاكتسيناتسيالاندىم. ءبىر كۇن ىشىندە تەمپەراتۋرا تۇرىندە رەاكتسيا بولدى, قالتىراۋ ءبىر كۇنگە سوزىلدى – مۇنداي رەاكتسيالار بولۋى مۇمكىن جانە كەز كەلگەن ۆاكتسينادان كەيىن بولادى. كەلەسى كۇنى ءوزىمدى جاقسى سەزىندىم. ءبىز ۆاكتسينا العان بارلىق قىزمەتكەرلەردى قاداعالايمىز جانە جاناما اسەرلەردى تىركەمەدىك", دەپ اتاپ ءوتتى ەلۆيرا يبراگيموۆا.
ۆاكتسينا -18 گرادۋس تەمپەراتۋرادا تاسىمالدانادى. ساراپشى ۆاكتسينا جەتكىزىلگەن ساتتەن باستاپ ۆاكتسيناتسيانىڭ وزىنە دەيىن بارلىق تالاپتار قاتاڭ ساقتالاتىنىنا نازار اۋداردى. الماتى ەمحانالارىندا ۆاكتسينانى ساقتاۋ ءۇشىن مۇزداتقىش كامەرالار ساتىپ الىندى, بارلىق پروتسەسس باقىلانىپ, ۆاكتسينا مەديتسينالىق ۇيىمعا جەتكىزىلگەن ساتتەن باستاپ ۆاكتسيناتسيالاۋ باستالعانعا دەيىن قاتاڭ باقىلاۋ جۇرگىزىلىپ جاتىر. بۇكىل پروتسەستى تاۋەلسىز باقىلاۋشىلار باقىلايدى.
"مەن ۆاكتسيناتسيا بويىنشا بارلىق تالاپتاردىڭ قاتاڭ ساقتالاتىنىنا ءوزىم كوز جەتكىزدىم. بۇعان بارلىق مەديتسينالىق قاۋىمداستىق اسقان جاۋاپكەرشىلىكپەن قارايدى. بارلىق ەرەجەلەر ساقتالادى. قىزمەتكەرلەر دايىن, قورقۋدىڭ قاجەتى جوق. قازىر كوپتەگەن ادامدار ۆاكتسيناتسيالانعىسى كەلەدى, ويتكەنى ولار اۋرۋدى قايتا جۇقتىرعاننان گورى ۆاكتسينانى العان دۇرىس ەكەنىن تۇسىنەدى", دەدى ول.
