تەڭدىك جانە مۇمكىندىكتەر قۇقىعى

«Qolda 2.0» شۇعىل كو­مەك باعدارلاماسى اياسىندا «زاڭ تا­لابى» قۇقىق قورعاۋ ورتا­لىعى» قوعامدىق بىرلەستىگى ۇيىمداس­تىر­عان ترەنينگتەرگە 50 قىز-كەلىنشەك قاتىستى. قاتىسۋشى­لاردىڭ دەنى تۇركىستان، ارىس، شاردارا، سارىاعاش، جەتىساي، تۇلكى­باس، سايرام، تولە بي، ماقتا­ارال اۋداندارى سىندى شالعاي ءوڭىردىڭ تۇرعىندارى.

«قازىر اجىراسۋ پروتسەسى ءجۇرىپ جاتىر. سوندىقتان ماعان سوت كەڭ­سەسىنىڭ پلاتفورماسىن پايدالانۋدى ۇيرەنۋ كەرەك بولدى. ونلاين ترەنينگ تۋرالى تۇركىستان قالاسى اكىمدىگىنىڭ قىزمەتكەرىنەن ءبىلدىم. قوسىمشا ارقىلى پوليتسياعا ارىز بەرۋدى، سونداي-اق ءوزىمنىڭ نەگىزگى قۇ­قىق­تارىمدى جانە تۇرمىستىق زورلىق-زومبىلىق جاساعانداردى قانداي جازا كۇتەتىنى تۋرالى ءبىل­دىم. ترەنينگ وتە قىزىق بولدى، گەندەرلىك ماسەلەلەرمەن قاتار، پراكتيكالىق جاتتىعۋلار مەن تەوريانى ۇيلەستىرە وتىرىپ ماڭىزدى تاقىرىپتار قوزعالدى»، دەيدى تۇركىستان قالاسىنىڭ تۇرعىنى ە.كەمەلبەكوۆا.

«Qolda 2.0» شۇعىل كومەك باع­دارلاماسى باستالعاننان بەرى «زاڭ تالابى» قۇقىق قورعاۋ ورتالىعى» قوعامدىق بىرلەستىگىنىڭ ادۆوكاتىنا فيزيكالىق، جىنىستىق زورلىق-زومبىلىق بويىنشا حابارلاسىپ جاتقانداردىڭ سانى ارتقان.

«تۇرمىستىق زورلىق-زوم­بىلىق قۇرباندارىنا قۇقىق­تىق جانە پسيحولوگيالىق كومەك كورسەتىلەدى. قوعامدىق بىر­لەس­­تىك پسيحولوگتەرى زورلىق كور­گەندەرگە پسيحوەموتسيونالدى جاعدايىن تۇزەتۋ بويىنشا كەڭەس بەرىپ، ارت-تەراپيا وتكىزەدى. بىلتىردان بەرى حابارلاسىپ جاتقان فيزيكالىق جانە جىنىستىق زورلىق-زوم­بىلىق قۇر­باندارىنىڭ جاسى 14-تەن 48 جاسقا دەيىن، اراسىندا كامە­لەتكە تولماعان بالالار دا بار. ترە­نينگتەردە گەن­دەرلىك قۇقىقتار، تسيفرلى قۇ­قىقتار جانە ونىڭ ءرولى جايىندا ايتىل­دى»، دەيدى «زاڭ تالابى» قۇ­­قىق قورعاۋ ورتالىعى» قوعامدىق بىر­­لەستىگىنىڭ توراعاسى مۋراد يۋنۋسوۆ.

جوبا اياسىندا شىمكەنت قا­لاسى جانە تۇركىستان وبلىسى بويىنشا تەگىن قۇقىقتىق جانە پسيحولوگيالىق كومەك كورسەتۋ، تۇر­مىستىق زورلىق-زومبىلىق قۇرباندارى ءۇشىن سەنىم تەلەفونى مەن ونلاين-چاتتىڭ جۇمىسىن جولعا قويۋ، #StopViolence ۇرا­نىمەن اقپاراتتىق ناۋقان وتكى­زۋ، جاستار مەن اۋىل-ايماق­تار­دا تۇراتىن ايەلدەرگە ارنال­عان تسيفر­لى ءبىلىم بەرۋ جانە گەندەرلىك تەڭدىك بويىنشا ونلاين ترەنينگتەر ۇيىمداستىرۋ، ايەلدەرگە زور­لىق-زومبىلىق كورسەتكەن ەر ادامدارعا ارەكەتتى قايتالاماۋ ماق­ساتىندا جۇمىستار وت­كىزۋ جوسپارلانىپ وتىر. الدا­عى ترەنينگتەر شەڭبەرىندە گەندەرلىك قۇقىقتار جانە تەڭدىك، ايەلدەرگە مەملەكەتتىك دەڭگەيدە قۇقىقتىق قور­عاۋ كورسەتۋ، زورلىق-زوم­بى­لىقتىڭ تۇرلەرى، تۇرمىستىق زور­لىق-زومبىلىق قۇرباندارىنا ار­نالعان ءىس-قيمىل الگوريتمى، ايەلدەردىڭ قۇقىقتارىن قورعاۋدى كۇشەيتۋ ءۇشىن ينتەرنەتتى پايدالانۋ تاقىرىپتارى قامتىلادى.

ال #StopViolence كامپانيا­سى جوبا اياقتالعانعا دەيىن، ياعني وسى جىلدىڭ ءساۋىر ايىنا دەيىن جالعاسادى. «الداعى ەكى اي­دا تۇركىستان وبلىسىنداعى 7 اۋدانعا 21 ساپار جوسپارلانعان (ارىس قالاسى، تۇركىستان قالاسى، شاردارا، سارىاعاش، ماقتاارال، جەتىساي، سايرام اۋداندارى). #StopViolence كامپانياسى اياسىندا ايەلدەر مەن قىزدارعا ولاردىڭ قۇقىقتارىن ءتۇسىندىرىپ وتىرامىز. سونىمەن قاتار ايەل­دەرگە «ەگەر ءسىز وت­باسىلىق زور­لىق-زوم­بىلىق قۇربانى بول­ساڭىز، نە ىستەۋىڭىز كەرەك؟» اتتى اقپاراتتىق ماتەريالداردى، ال ەر ادامدارعا «اشۋمەن قالاي كۇرەسۋگە بولادى؟» دەگەن بروشيۋ­رالاردى تاراتامىز»، دەيدى اتال­عان بىرلەستىكتىڭ توراعاسى مۋراد يۋنۋسوۆ.