مەملەكەتتىك باعدارلامانىڭ شىمكەنت قالاسىندا جۇزەگە اسىرىلۋ بارىسى جونىندە قالا اكىمىنىڭ توراعالىعىمەن وتكەن ماجىلىستە كاسىپكەرلىك جانە يندۋستريالدى-يننوۆاتسيالىق دامۋ باسقارماسى باسشىسى بەرەكە دۇيسەبەكوۆ باياندادى.
- وتكەن جىلى «قاراپايىم زاتتار ەكونوميكاسى» باعدارلاماسى بويىنشا جالپى سوماسى 29,1 ملرد.تەڭگەگە 30 جوباعا قولداۋ كورسەتىلدى. 2019 جىلمەن سالىستىرعاندا جوبالاردىڭ ءوسۋ سەرپىنى 3 ەسەدەن اسادى. بيىل «بيزنەستىڭ جول كارتاسى – 2025» بيزنەستى قولداۋ مەن دامىتۋدىڭ مەملەكەتتىك باعدارلاماسى شەڭبەرىندە 2 396,0 ملن. تەڭگەگە 418 جوباعا قولداۋ كورسەتۋ جوسپارلانۋدا. ال, «قاراپايىم زاتتار ەكونوميكاسى» باعدارلاماسى اياسىندا 3 576,0 ملن. تەڭگەگە 100 جاڭا جوباعا قولداۋ كورسەتۋ كوزدەلىپ وتىر, دەدى باسقارما باسشىسى.
ايتا وتسەك, «قاراپايىم زاتتار ەكونوميكاسى» باعدارلاماسىنىڭ ماقساتى – حالىقتىڭ مۇقتاجىن قامتاماسىز ەتۋ جانە الەۋمەتتىك ماڭىزى بار ازىق-ت ۇلىك تاۋارلارىنىڭ يمپورتىن الماستىرۋ ماقساتىندا باسەكەگە قابىلەتتى وندىرىستەر قۇرۋ.
باعدارلاما اياسىندا بانك الدىندا مەملەكەتتىڭ كەپىلدىگى قاراستىرىلعان. كەپىلدىك نەسيەلەۋدىڭ بارلىق مەرزىمىنە بەرىلەدى. نەسيە مولشەرىنە ەشقانداي شەكتەۋلەر جوق. سۋبسيديالاۋ نومينالدى سىياقى مولشەرلەمەسى جىلدىق 15%-دان اسپايتىن نەسيەلەر بويىنشا جۇزەگە اسىرىلادى, ونىڭ 6%-ىن كاسىپكەر تولەيدى, ال ايىرماسىن مەملەكەت سۋبسيديالايدى. ينۆەستيتسيالىق ماقساتتارعا سۋبسيديالاۋ مەرزىمى 10 جىل, اينالىم قاراجاتىن تولىقتىرۋعا ءۇش جىل.
سۋبسيديالاۋعا جانە كەپىلدەندىرۋگە وتىنىمدەر Egov, ونلاين دامۋ پورتالى ارقىلى ونلاين رەجيمىندە قابىلدانادى جانە سۋبسيديالاۋ مەن كەپىلدەندىرۋ شارتتارىنا قول قويۋ ەلەكتروندىق تاسىلمەن دە مۇمكىن.
وسى باعدارلاما بويىنشا جانە بيزنەستى قولداۋدىڭ باسقا دا مەملەكەتتىك باعدارلامالارى بويىنشا تولىق اقپاراتتى www.damu.kz سايتىنان جانە قوناەۆ 95/1. تەل. +7 (7252) 99-70-49 ءنومىرى ارقىلى الۋعا بولادى.
