وبلىستىق پوليتسيا دەپارتامەنتى ءباسپاسوز قىزمەتىنەن ءمالىم ەتكەندەي, اتىراۋ قالاسىندا تۇراتىن 1949 جىلعى ازاماتشادان ارىز ءتۇسىپتى.
«ونىڭ ارىزىندا كورسەتىلگەندەي, قايتىس بولعان كۇيەۋىنىڭ اتىنداعى «Lexus LX» ماركالى كولىگىن ءوز اتىنا قايتا رەسىمدەگىسى كەلگەن. الايدا, پوليتسيا قىزمەتكەرلەرى كولىك قۇجاتىن رەسىمدەۋ كەزىندە قىزىلوردا وبلىسىندا 2013 جىلى ءدال وسىنداي ۇلگىدەگى اۆتوكولىكتىڭ تىركەلگەنىن انىقتادى. سونداي-اق اۆتوكولىكتىڭ شاناعى مەن قوزعالتقىشىنداعى نومىرلەرى بىردەي بولىپ شىقتى. ازاماتشانىڭ ايتۋىنشا, كۇيەۋى بۇل اۆتوكولىكتى 2006 جىلى الماتى قالاسىنان سەنىمحات ارقىلى ساتىپ الىپ, تۇرعىلىقتى مەكەن-جايى بويىنشا اتىراۋ قالاسىندا ءوز اتىنا راسىمدەگەن. قازىر ەكىنشى اۆتوكولىك نۇر-سۇلتان قالاسىنىڭ تۇرعىنىنا تيەسىلى ەكەنى بەلگىلى بولدى» دەپ حابارلادى دەپارتامەنتتىڭ ءباسپاسوز قىزمەتى.
