اتاپ ايتقاندا, دەپۋتاتتار كەدەن وداعىنا مۇشە مەملەكەتتەردىڭ كەدەن قىزمەتتەرىنىڭ بىرىككەن القاسى تۋرالى شارتقا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوباسىن ماقۇلدادى.
حاتتامانى راتيفيكاتسيالاۋ وداعىنا مۇشە مەملەكەتتەردىڭ كەدەن قىزمەتتەرىنىڭ بىرىككەن القاسى تۋرالى شارتتىڭ تەرمينولوگياسىن ەاەو تۋرالى شارتتىڭ جانە ەاەو-نىڭ كەدەن كودەكسى تۋرالى شارتتىڭ ەرەجەلەرىنە سايكەس كەلتىرۋگە مۇمكىندىك بەرەدى.
وسى شارتقا راتيفيكاتسيالىق تۇزەتۋلەردى قاراۋ بارىسىندا دەپۋتاتتار 10 جۇمىس توبىنىڭ ىشىنەن ءتۇرلى باعىتتار بويىنشا بىرىككەن ارىپتەستىك شەڭبەرىندە تەك بىرەۋىن قازاقستاندىق تاراپ, ال 9-ىن رەسەي وكىلدەرى باسقاراتىنىنا نازار اۋداردى. ءماجىلىس توراعاسى نۇرلان نىعماتۋلين بۇل ماسەلەنىڭ قازاقستاننىڭ مۇددەسىن قورعاۋ ءۇشىن ماڭىزدىلىعىن ايتىپ, دەپۋتاتتار بارلىق پارلامەنتتىك ينتەگراتسيالىق بىرلەستىكتەردەگى جۇمىس تاسىلدەرىن وزگەرتۋ ءۇشىن كوپتەگەن شارالاردى قولعا الىپ كەلە جاتقانىن ايتتى.
ن.نىعماتۋليننىڭ پىكىرىنشە, وسىنداي قادامداردى جۇمىس ورگاندارىندا دا جاساۋ كەرەك. سونىمەن قاتار, جالپى وتىرىستا پالاتا تمد-عا قاتىسۋشى مەملەكەتتەردىڭ باس بوستاندىعىنان ايىرۋمەن بايلانىستى ەمەس جازالاردى ورىنداۋدى بەرۋ تۋرالى كونۆەنتسيانى راتيفيكاتسيالاۋ تۋرالى زاڭ جوباسىن ماقۇلدادى.
بۇل كونۆەنتسيانىڭ ماقساتى ۋاعدالاسۋشى تاراپتاردىڭ باس بوستاندىعىنان ايىرۋمەن بايلانىستى ەمەس جازالاردى ورىنداۋعا نەمەسە جازانى ورىنداۋشى مەملەكەتتىڭ ازاماتىنا قاتىستى جازا تاعايىندالعان مەملەكەتتىڭ سوتى تاعايىنداعان قىلمىستىق-قۇقىقتىق سيپاتتاعى شارالاردى قولدانۋ جونىندەگى قاتىناستارىن رەتتەۋ.
بۇگىن دەپۋتاتتار تاراپىنان ماقۇلدانعان راتيفيكاتسيالىق قۇجاتتاردىڭ قاتارىندا «مەملەكەتارالىق ستاندارتتاۋ جونىندەگى قۇجاتتاردى تاراتۋ تۋرالى كەلىسىمدى راتيفيكاتسيالاۋ تۋرالى» زاڭ جوباسى بار. وسى كەلىسىمدى راتيفيكاتسيالاۋ مەملەكەتارالىق ستاندارتتاۋ جونىندەگى قولدانىلاتىن قۇجاتتاردىڭ انىقتىعى مەن وزەكتىلىگىن جانە مەملەكەتارالىق ستاندارتتاۋ جونىندەگى قۇجاتتاردى تاراتۋ قاعيداتتارىنىڭ تۇتاستىعىن قامتاماسىز ەتۋ ءۇشىن قۇقىقتىق نەگىز جاساۋدى قامتاماسىز ەتۋگە مۇمكىندىك بەرەدى.
جالپى وتىرىستا ءماجىلىس كوميتەتتەرى ءبىرشاما جاڭا زاڭ جوبالارىن جۇمىسقا الدى. ولار سوت جۇيەسى مەن سۋديالارىنىڭ مارتەبەسى, اكىمشىلىك قۇقىق بۇزۋشىلىق تۋرالى كودەكسكە وزگەرىستەر ەنگىزۋ جانە سوت جۇيەسىن جاڭعىرتۋ ماسەلەلەرى بويىنشا تۇزەتۋلەر ەنگىزۋ تۋرالى زاڭ جوبالارى.
سونداي-اق, جۇمىسقا الىنعان قۇجاتتاردىڭ قاتارىندا ەڭبەك كودەكسىنە قاشىقتىقتان جۇمىس ىستەۋدى قۇقىقتىق رەتتەۋدى جەتىلدىرۋ ماسەلەلەرىنە قاتىستى جانە قازاقستان مەن رەسەي اراسىنداعى «مينەرالدىق تىڭايتقىشتار شىعارۋ زاۋىتىن سالۋ جانە پايدالانۋ» جوباسىن ىسكە اسىرۋ تۋرالى كەلىسىمدى راتيفيكاتسيالاۋ تۋرالى زاڭ جوبالارى بار.
وتىرىس سوڭىندا ءماجىلىس دەپۋتاتتارى مەملەكەتتىك ورگاندار باسشىلارىنا دەپۋتاتتىق ساۋالدار جولدادى.
ولاردىڭ قاتارىندا د.نازارباەۆا, ا.ميليۋتين, ج.احمەتبەكوۆ, ە.سمايلوۆ, ە.جاڭبىرشين, ن.دەمەنتەۆا, ا.جۇماباەۆا, د.تۇرگانوۆ, ف.قاراتاەۆ, ا.سەمبينوۆ, ە.ومىرعالي, ا.پەرۋاشەۆ, ا.پاياەۆ, ا.راۋ بار.
