جۋىردا ەلوردادا قازاقستاندىق «دودا» كوركەم ءفيلمىنىڭ تۇساۋكەسەرى ءوتتى. فيلم ۇلتتىق سپورت تۇرلەرى قاۋىمداستىعىنىڭ تاپسىرىسىمەن, «سامۇرىق-قازىنا» ۇلتتىق ءال-اۋقات قورى مەن «نۇر وتان» پارتياسىنىڭ قولداۋىمەن تۇسىرىلگەن.
جۋىردا ەلوردادا قازاقستاندىق «دودا» كوركەم ءفيلمىنىڭ تۇساۋكەسەرى ءوتتى. فيلم ۇلتتىق سپورت تۇرلەرى قاۋىمداستىعىنىڭ تاپسىرىسىمەن, «سامۇرىق-قازىنا» ۇلتتىق ءال-اۋقات قورى مەن «نۇر وتان» پارتياسىنىڭ قولداۋىمەن تۇسىرىلگەن.
«شاپاعات سەرۆيس» كومپانياسى تۇسىرگەن ءفيلمنىڭ باس رەجيسسەرى – ەلدار قاپاروۆ, باس پروديۋسەرى – ارتىقبەك بولعانباەۆ. باستى رولدەردە نىشانبەك جۇباناەۆ, ەركەبۇلان دايىروۆ جانە ايگەرىم قۇلامباەۆالار ويناعان.
«ۇلتتىق ويىن كوكپار مەن وتباسى قۇندىلىقتارىن ءدارىپتەۋ ءفيلمنىڭ نەگىزگى يدەياسى ەتىپ الىنعان. ءبىز قۇقىق قورعاۋ ورگاندارىنىڭ ناقتى ءتۇسىرىلىمدەرىن پايدالانا وتىرىپ دەتەكتيۆتى سيۋجەت جاساۋدى شەشتىك. سونداي-اق, جولداعى ءىرى قىلمىستار, ۇلكەن جۇك كولىكتەرىن توناۋدىڭ قويىلىمدىق تۇسىرىلىمدەرى جۇرگىزىلدى. كينوتۋىندىدا ماحاببات تا, سپورت تا, شىنايى دوستىق تا بەينەلەنەدى. رەجيسسەر رەتىندە مەن ءۇشىن تەحنيكالىق جۇمىستار قىزعىلىقتى بولدى, ويتكەنى, جۇمىستىڭ 90 پايىزى اشىق اسپان استىندا جۇرگىزىلدى», – دەدى رەجيسسەر ەلدار قاپاروۆ.
قازاقستاندىق كورەرمەندەر «دودا» كارتيناسىن جاڭا جىلدىڭ باسىندا كورە الادى. ءفيلمنىڭ پرەمەراسى 2014 جىلعى قاڭتاردىڭ سوڭىنا بەلگىلەنگەن.
«ەگەمەن-اقپارات».
