وقيعا • 10 اقپان، 2021

جەتىسۋدا جەمقورلىق جيىلەدى

12 رەت كورسەتىلدى

جەتىسۋدا جەمقورلىعى اشكەرەلەنگەن لاۋازىمدى قىزمەتكەرلەردىڭ قاتارى ازايماي تۇر. وكىنىشكە قاراي، سوڭعى ءبىر اي كولەمىندە ەل قۇلاعىن ەلەڭدەتكەن وقيعا جيىلەپ كەتتى. ماسەلەن، جاقىندا وبلىستىق ءبىلىم باسقارماسىنىڭ باسشىسى بيۋدجەت قارجىسىن جىمقىردى دەگەن كۇدىكپەن قاماۋعا الىندى.

 

قۇرىقتاۋ وپەراتسياسىن ۇلتتىق قاۋىپ­سىز­دىك كوميتەتى، پروكۋراتۋرا جانە جەم­قور­لىققا قارسى قىزمەتتىڭ بىرلەسكەن تو­بى جۇزەگە اسىرعان بولاتىن. بەلگىلى بول­عان اقپاراتقا سايكەس، ءىس بويىنشا وب­لىستىق ءبىلىم باسقارماسىنىڭ باسشىسى مايگۇل وماروۆا، وسى باسقارمانىڭ مەم­لەكەتتىك ساتىپ الۋ ءبولىمىنىڭ باس  مامانى باقىت قابدولدانوۆا جانە ايماقتىق ءبى­لىم سالاسىنداعى جاڭا تەحنولوگيالار عى­لىمي-پراكتيكالىق ورتالىعىنىڭ ديرەكتورى اراپبي مەڭلىباەۆ قاماۋعا الىنعان. سونداي-اق بيۋدجەت قارجىسىن يگەرۋ كەزىندە زاڭسىزدىققا جول بەرىپ، پارا بەرگەنى ءۇشىن بىرنەشە جەكە كاسىپكەردىڭ كۇدىككە ىلىنگەنى تۋرالى ايتىلدى. كۇدىكتىلەرگە اسا ءىرى كولەمدە پارا الدى دەگەن ايىپ تاعىلىپ وتىر ەكەن. ءمالىم بولعان دەرەك بويىنشا، سىبايلاسقان توپ وبلىستىق بيۋدجەت قارجىسىنا كومپيۋتەرلىك تەحنيكا ساتىپ الۋ كەزىندە جەكە كاسىپكەردەن 37 650 000 تەڭگە سىياقى تالاپ ەتىپ، ونىڭ ءبىر بولىگىن قولما-قول اقشا تۇرىندە الىپ جاتقان كەزىندە ۇستالعان.

ال مۇنىڭ الدىندا تالعار اۋدانىنىڭ اكىمى قىزمەتىن اتقارعان سەرىكجان ەرەكە­شوۆ پەن ونىڭ قول استىنداعى بىرنەشە قىز­مەتكەردى سىبايلاس جەمقورلىققا قارسى قىز­مەت وكىلدەرى قاماۋعا العانى تۋرالى اقپارات تاراعان بولاتىن. قازىر قۇزىرلى ورگان بۇل ءىس بويىنشا
س.ەرەكەشەۆتىڭ ۇستالعانىن راستادى. ءبىر قى­زى­عى، اۋدان اكىمى ورىنتاعىندا ءبىر جىلعا جەتەر-جەتپەس ۋاقىت قانا وتىرعان شەنەۋنىك جەم­قورلىق بابى بويىنشا ۇستالاردان ءبىر كۇن بۇرىن ءوز ەركىمەن ءوتىنىش جازىپ، قىزمە­تىنەن كەتكەن كورىنەدى. جالپى، قوعامدىق تال­قىلاۋعا ۇلاسقان ىستەر بويىنشا تەرگەۋ ءجۇرىپ جات­قاندىقتان، ەگجەي-تەگجەيىن انىقتاۋ مۇمكىن بولماي تۇر.

ايتپاقشى، جەتىسۋداعى جەمقورلىق دەرەگىنىڭ جيىلەۋى وتكەن جىلى دا بايقالعان ەكەن. الماتى وبلىسى بويىنشا سىبايلاس جەمقورلىققا قارسى قىزمەت باسشىسى ەرنار ماقاجانوۆتىڭ ايتۋىنشا، بىلتىر  قىلمىس قۇرامى بار 277 قۇقىق بۇزۋشىلىق تىركەلسە، ونىڭ 84 پايىزدان استامى سىبايلاس جەمقورلىققا قاتىستى بولعان. ياعني 2020 جىلى 232 ءىس وسى باپ بويىنشا انىقتالعان. وكىنىشكە قاراي، ءبىر جىل ىشىندە جەمقورلار مەملەكەت قازىناسىنا 4،9 ملرد تەڭگە زالال كەلتىرگەن كورىنەدى. اياقتالعان قىلمىستىق ىستەردىڭ ناتيجەسىندە 4،4 ملرد تەڭگە وتەلگەن.

– ءبىز وتكەن جىلدىڭ قورىتىندىسى بويىن­شا سىبايلاس جەمقورلىققا اسا بەيىم سالالار­دى انىقتادىق. ونىڭ كوش باسىندا كەدەن قىز­مەتى تۇر، بىلتىر سالادا 114 سى­بايلاستىق دە­رەگى انىقتالىپ، 33 تۇلعا قىلمىستىق جاۋاپ­كەرشىلىككە تارتىلدى. ەكىنشى ورىندا قۇرى­لىس سالاسى تۇر دەۋگە بولادى. مۇندا 28 دەرەك انىقتالىپ، 20 ادامنىڭ قىلمىسى دا­لەلدەندى. 11 ادام ءتۇرلى جازا الدى. وكىنىشكە قاراي، وبلىستىڭ جەر قاتىناستارى سالاسىندا دا جاعداي ءماز ەمەس. بۇل باعىتتا 19 سىبايلاس جەمقورلىق قىلمىسى اشىلىپ، 18 ادام جاۋاپ­كەرشىلىككە تارتىلدى. ودان كەيىنگى تاۋەكەلدى ورتا – تۇرعىن ءۇي كوممۋنالدىق شارۋاشىلىق بولىم­دەر بولىپ تۇر. بىلتىر سالا  بويىنشا  17 سىبايلاس جەمقورلىق قىلمىسى تىركەلىپ، 10 ادام جازاعا تارتىلدى. تاعى جەتى لاۋازىمدى تۇلعا ءتۇرلى مەرزىمگە سوتتالدى. وتكەن مەرزىمدە دەنساۋلىق ساقتاۋ سالاسىندا دا 15 سىبايلاس جەمقورلىق قىلمىسى تىركەلىپ، 11 لاۋازىمدى تۇلعا قاتاڭ جاۋاپكەرشىلىككە تارتىلدى، – دەيدى سىبايلاس جەمقورلىققا قارسى قىزمەتتىڭ الماتى وبلىسى بو­يىنشا دەپارتامەنتىنىڭ باسشىسى ەرنار ماقاجانوۆ.

سونداي-اق بىلتىر پارا الۋ مەن پارا بەرۋ­گە قاتىستى 196 قىلمىستىق ءىس قوزعالعان ەكەن. ونىڭ ىشىندە 117 ادام پارا بەرۋ كەزىندە ۇس­تالسا، 75 لاۋازىم يەسى پارا الۋ ۇستىندە قول­عا تۇسكەن. مۇنان بولەك، 4 جەكە تۇلعاعا جەم­قورلاردىڭ اراسىندا «دەلدالدىق» جاساپ، ماسەلەنى زاڭسىز جولمەن شەشۋگە ىقپال ەتكەنى ءۇشىن «پاراقورلىققا دەلدال بولۋ» بابى بو­يىنشا جازا كەسىلىپتى. ال پارا الۋشىلاردىڭ قاتارىندا ءتۇرلى مەكەمەنىڭ تىزگىنىن ۇستاعان 36 لاۋازىمدى باسشى بولعان ەكەن.

 

الماتى وبلىسى

 

سوڭعى جاڭالىقتار

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

كوك تۇركىنىڭ كوزى

تاريح • كەشە

ۇقساس جاڭالىقتار