رەفورمالار جونىندەگى جوعارى كەڭەستىڭ وتىرىسىندا كاسىپكەرلىكتى قولداۋ بويىنشا ماقۇلدانعان شارالار تۋرالى ۇلتتىق ەكونوميكا ءمينيسترى اسەت ەرعاليەۆ, جەڭىلدىكتى نەسيە بەرۋ باعدارلامالارىنىڭ مونيتورينگ ناتيجەلەرى جانە مەملەكەتتىك قولداۋ شارالارىنىڭ تيىمدىلىگىن باعالاۋ تۋرالى پرەمەر-ءمينيستردىڭ ورىنباسارى رومان سكليار, مەملەكەتتىك قولداۋ شارالارىن ازىرلەۋ, مەملەكەتتىك ساتىپ الۋداعى جەرگىلىكتى قامتۋ, «سامۇرىق-قازىنا» ۇاق» اق جانە جەر قويناۋىن پايدالانۋشىلاردىڭ ساتىپ الۋى بويىنشا بيزنەسكە جۇرگىزىلگەن ساۋالنامانىڭ ارالىق قورىتىندىلارى, ميكروقارجى ۇيىمدارىنىڭ, الەۋمەتتىك-كاسىپكەرلىك كورپوراتسيالارىنىڭ ماسەلەلەرى جانە وڭىرلەردەگى شوب-تىڭ دامۋ الەۋەتى تۋرالى «اتامەكەن» ۇكپ باسقارما توراعاسى ابىلاي مىرزاحمەتوۆ باياندادى.
وتىرىسقا ۇكىمەت مۇشەلەرى, پرەزيدەنت اكىمشىلىگىنىڭ, جەرگىلىكتى اتقارۋشى ورگانداردىڭ, «سامۇرىق-قازىنا» ۇاق» اق, دامۋ ينستيتۋتتارىنىڭ, قازاقستان قارجىگەرلەر قاۋىمداستىعىنىڭ, وڭىرلىك كاسىپكەرلەر پالاتاسىنىڭ جانە ت. ب.وكىلدەرى قاتىستى.
بيىل 29 قاڭتاردا وتكەن رەفورمالار جونىندەگى جوعارى كەڭەستىڭ وتىرىسىندا بيزنەستى دامىتۋدى ودان ءارى ىنتالاندىرۋ بويىنشا كەلەسى شارالار قارالدى:
- بىرىڭعاي تولەممەن بەسەۋىنىڭ ورنىنا بىرىڭعاي مولشەرلەمەنى بەلگىلەي وتىرىپ, ەڭبەكاقى تولەۋ قورىنا جۇكتەمەنى تومەندەتۋ;
- جاڭا وندىرىستىك كومپانيالار ءۇشىن 2 جىل ىشىندە ققس-تى ازايتۋ;
- قايتا ينۆەستيتسيالاۋعا باعىتتالعان تابىستىڭ ءبىر بولىگىن كورپوراتيۆتىك تابىس سالىعىنان بوساتۋ;
- ۇكىمەت ينۆەستيتسيالار تۋرالى كەلىسىمدەر جاساساتىن باسىم قىزمەت تۇرلەرىنىڭ تىزبەسىن كەڭەيتۋ (وڭدەۋ ونەركاسىبى, اوك, ماشينا جاساۋ, ازىق-ت ۇلىك جانە دايىن ءونىم وندىرەتىن, تەرەڭ وڭدەۋ بويىنشا باسقا دا سالالار);
- جەكە كاسىپكەرلەر ءۇشىن سالىق مىندەتتەمەلەرىن تىركەۋدى جانە ورىنداۋدى جەڭىلدەتۋ;
- ساۋدا, اۋىل شارۋاشىلىعى, كولىك, تۇرۋ جانە تاماقتانۋ بويىنشا قىزمەت كورسەتۋ سالالارىنداعى بيزنەسكە قويىلاتىن بارلىق تالاپتاردى ۇشتەن ءبىر بولىگىنە قىسقارتۋ;
- «بيزنەستىڭ جول كارتاسى-2025» سۋبسيديالاۋ باعدارلاماسىنا ميكروقارجى ۇيىمدارىن قوسۋ;
- قوعامدىق تاماقتانۋ سالاسى ءۇشىن 6% مولشەرلەمە بويىنشا بولشەك سالىق رەجيمىن ەنگىزۋ.
اتالعان شارالاردى بيىل ەنگىزۋ جوسپارلانىپ وتىر, بۇل 2025 جىلعا قاراي 500 مىڭ ادامدى جالدامالى قىزمەتكەرلەردى رەسمي جۇمىسپەن قامتۋعا تارتۋدى, جىل سايىن وڭدەۋشى ونەركاسىپتە 15 پ.ت. ينۆەستيتسيالاردى ۇلعايتۋدى, كولەڭكەلى ەكونوميكانى ءىجو 15% دەيىن تومەندەتۋدى, سونداي-اق ميكرو جانە شاعىن بيزنەس سۋبەكتىلەرىنىڭ 75%-ى ءۇشىن ەڭبەكاقى تولەۋ قورىنا جۇكتەمەنى ازايتۋدى قامتاماسىز ەتۋگە مۇمكىندىك بەرەدى.
بيىل «قاراپايىم زاتتار ەكونوميكاسى», «بجك-2025», «ەڭبەك», «جۇمىسپەن قامتۋدىڭ جول كارتاسى» باعدارلامالارى جانە ۇلتتىق بانكتىڭ اينالىم قاراجاتىن تولىقتىرۋعا نەسيە بەرۋ باعدارلاماسى اياسىندا بيزنەستى قولداۋعا 703 ملرد تەڭگەدەن استام قاراجات قاراستىرىلعان. بجك-2025 باعدارلاماسىن جۇزەگە اسىرۋدىڭ وڭ قارقىنى بايقالۋدا. وسى جىلدىڭ قاڭتار ايىندا 60 ملرد تەڭگە سوماسىنا 333 جوبا نەسيەلەندىرىلىپ, 326 جوبا كەپىلدەندىرىلدى. «قاراپايىم زاتتار ەكونوميكاسى» جەڭىلدىكپەن نەسيەلەندىرۋ باعدارلاماسى بويىنشا بۇگىندە 707,8 ملرد تەڭگە سوماسىنا 2801 جوبا ماقۇلداندى, 527,7 ملرد تەڭگە سوماسىنا 2243 جوبا سۋبسيديالاندى.
«شاعىن جانە ورتا بيزنەستى ەكونوميكالىق شىنايىلىقتىڭ جاڭا جاعدايىندا قولداۋ – ۇكىمەت جۇمىسىنىڭ باسىمدىقتارىنىڭ ءبىرى. كاسىپكەرلەردى مەملەكەتتىك قولداۋمەن قامتۋدى بارىنشا كەڭەيتۋ قاجەت. بۇل ەكونوميكانىڭ دامۋىنا قوسىمشا سەرپىن بەرەدى. اكىمدىكتەر بولىنەتىن قاراجاتتىڭ جوعارى تيىمدىلىگىن قامتاماسىز ەتۋى ءتيىس», — دەدى ا. مامين.
ۇكىمەت باسشىسى «اتامەكەن» ۇكپ-نىڭ 13 مىڭنان استام كاسىپكەرگە جۇرگىزگەن ساۋالناماسىنىڭ قورىتىندىلارىن ەگجەي-تەگجەيلى زەردەلەپ, ءبىر اپتا ىشىندە بيزنەستى ودان ءارى قولداۋ جونىندەگى قوسىمشا شارالاردى دايىنداۋدى تاپسىردى.
سونداي-اق, پرەمەر-مينيستر رەتتەلەتىن ساتىپ الۋلارداعى جەرگىلىكتى قامتۋدى باقىلاۋدى, وڭىرلەردىڭ ەكونوميكالىق كارتاسىن ۋاقىتىلى جانە ساپالى تولتىرۋدى قامتاماسىز ەتۋدى, وتاندىق كاسىپورىنداردىڭ وندىرىستىك قۋاتتارىن جۇكتەۋ ماقساتىندا وڭىرلەردەگى كاسىپورىنداردى پاسپورتتاۋدى جۇرگىزۋدى جانە ميكروقارجى ۇيىمدارىن قۇرۋدى جەدەلدەتۋدى تاپسىردى.
