پاۆلودار پوليتسەيلەرى جەدەل-ىزدەستىرۋ ءىس-شارالارى بارىسىندا پاۆلودار جانە قاراعاندى وبلىستارىنىڭ اۋماعىندا قىمبات اۆتوكولىكتەردى ۇرلادى دەگەن كۇدىكپەن قىلمىستىق توپتى انىقتاپ, ۇستادى.
– قاراعاندى وبلىسىنىڭ ءۇش تۇرعىنىنان قۇرالعان قىلمىستىق توپ الدىن الا اۆتوكولىكتى تاڭداپ الىپ, باعىتتى جوسپارلاعان, نەگىزىنەن تۇنگى ۋاقىتتا ارەكەت ەتكەن. ۇرلانعان اۆتوكولىكتەر اگرەگاتتىق دەرەكتەردى وزگەرتۋ (VIN-كودتارىن وزگەرتۋ) ارقىلى ساتىلعان, ال ءبىر بولىگى اۆتوكولىكتەردى بولشەكتەۋ ارقىلى ساتىلعان. پاۆلودارلىق جەدەل ۋاكىلدەر بۇرىن ۇرلانعان جەتى كولىكتى تاپتى, ولاردىڭ ىشىندە “Toyota Avensis”, “Toyota Land Cruiser Prado 120” ماركالى اۆتوكولىكتەر بار, – دەدى پاۆلودار وبلىسى پوليتسيا دەپارتامەنتىنىڭ باستىعى نۇرلان ءماسىموۆ.
قازىرگى ۋاقىتتا ۇستالعاندارعا 10 فاكت بويىنشا ايىپ تاعىلدى. قازاقستان رەسپۋبليكاسى قك-ءنىڭ 188-بابى (ۇرلىق) بويىنشا سوتقا دەيىنگى تەرگەۋ جۇرگىزىلۋدە. بارلىق كۇدىكتىلەر قاماۋعا الىندى.
بۇدان باسقا, كۇدىكتىلەرگە ۇيىمداسقان قىلمىستىق توپ نەمەسە قىلمىستىق ۇيىم قۇرعانى جانە وعان قاتىسقانى ءۇشىن قازاقستان رەسپۋبليكاسى قك-ءنىڭ 262-بابىنىڭ 1,2-بولىكتەرى بويىنشا دا ايىپ تاعىلادى.
