قارىزدىڭ 80%-ى مەملەكەت تە, قاراپايىم ازاماتتار دا جاۋاپ بەرمەيتىن جەكە ۇيىمداردىڭ مىندەتتەمەلەرىنە تيەسىلى.
«سوندىقتان بۇل اقشا بيۋدجەتتىڭ نەمەسە حالىقتىڭ قارجىسى ەسەبىنەن تولەنبەيدى. مەملەكەتتىك سىرتقى قارىز ەل بورىشىنىڭ 8,2%-ىن نەمەسە 13,2 ملرد اقش دوللارىن, ال كۆازيمەملەكەتتىك سەكتوردىڭ سىرتقى قارىزى – 12,5% نەمەسە 20,1 ملرد اقش دوللارىن قۇرايدى. بۇل جالپى العاندا ءىجو-گە شاققاندا 18,8% جانە حالىقارالىق تاجىريبەگە سايكەس, قاۋىپسىز دەڭگەيگە جاتادى», دەدى دەپارتامەنت ديرەكتورى.
ەلدىڭ سىرتقى قارىزىنىڭ قۇرىلىمىندا ەڭ كوپ ۇلەستى جەكە سەكتوردىڭ فيرماارالىق بەرەشەگى الىپ وتىر (101,3 ملرد اقش دوللارى نەمەسە 62,9%), ونىڭ ماڭىزدى بولىگى شەتەلدىكتەردىڭ قاتىسى بار ءۇش ءىرى جوبا – قاشاعانعا جانە تشو مەن قاراشىعاناققا تيەسىلى.
مۇنداي جوبالاردى ىسكە اسىرۋ ءۇشىن شەتەلدىك ينۆەستورلار قازاقستاندا تىركەلگەن ءوز توبىنىڭ كومپانيالارىن قارجىلانىرادى. حالىقارالىق ادىسناماعا سايكەس, وسىنداي ينۆەستيتسيالار دا ەلدىڭ سىرتقى قارىزى بولىپ سانالادى.
