الماتىداعى ۆاكتسيناتسيالاۋدىڭ 1 كەزەڭىن وتكىزۋ بارىسى تۋرالى الماتى قالاسى قوعامدىق دەنساۋلىق باسقارماسىنىڭ دارىگەر-ەپيدەميولوگى ەلۆيرا يبراگيموۆا باياندادى.
مەديتسينا قىزمەتكەرلەرىنە ءبىرىنشى كەزەڭ ءۇشىن 1 750 دوزا ۆاكتسينا الىندى, سايكەسىنشە, ەكىنشى كەزەڭ ءۇشىن 1750 دوزانىڭ جەتكىزىلۋى كۇتىلۋدە. ۆاكتسينا 2 كەزەڭ جۇرگىزىلەدى, باسىندا 0,5 مل دوزادا ءبىرىنشى كومپونەنت, كەيىن 21 كۇننەن كەيىن 2 كومپونەنتپەن تاعى دا 0,5 مل ەنگىزىلەدى, وسىلايشا, ۆاكتسينانىڭ ءبىرىنشى دوزاسى يممۋندىق جاۋاپتى ىسكە قوسسا, ەكىنشىسى ونى كۇشەيتەدى.
8 اقپاندا ءبىرىنشى كومپونەنت ۆاكتسيناسىمەن 1 315 مەديتسينا قىزمەتكەرى قامتىلدى. 59 جاعدايدا ۆاكتسيناتسيا كەيىنگە قالدىرىلدى جانە 2 ادام ۆاكتسيناتسيادان باس تارتتى.
2021 جىلدىڭ 21 اقپانىنان قىزمەتكەرلەردى ەكىنشى كومپونەنتپەن ۆاكتسيناتسيالاۋ جالعاسادى.
ۆاكتسيناتسيانى جۇرگىزۋ ءۇشىن ءاربىر اۋداندا ەگۋ كابينەتتەرى مەن ەگۋ بريگاداسى دايىندالدى. يممۋنداۋ بارلىق ەرەجەلەردىڭ قاتاڭ ساقتالۋىمەن جانە «سۋىق تىزبەكتى» ساقتاۋ ارقىلى جۇرگىزىلەدى. قوسىمشا باقىلاۋ ورگاندارمەن ۆاكتسينانىڭ ورتالىقتاندىرىلعان ساقتاۋ قويماسىنا جەتكىزىلۋ بارىسى, ونىڭ مەديتسينالىق ۇيىمدارعا تاسىمالدانۋى جانە ۆاكتسينانىڭ جەتكىزىلۋى تەكسەرىلەدى.
