اياق كيىم وندىرەتىن وتاندىق كاسىپورىن "LUX Shoes" جشس 2018 جىلدىڭ تامىز ايىنان باستاپ شىمكەنت قالاسى ەڭبەكشى اۋدانىنىڭ "وڭتۇستىك" ارنايى ەكونوميكالىق ايماعىنىڭ اۋماعىندا جۇمىس ىستەيدى. جوباعا سالىنعان ينۆەستيتسيا سوماسى 400 ملن تەڭگەنى قۇرادى, فابريكادا 40 ادام ەڭبەك ەتەدى.
سونىمەن قاتار, 2020 جىلدىڭ باسىندا كاسىپورىندا بالالار, ەرلەر جانە ايەلدەردىڭ اياق كيىمدەرىنە ارنالعان قالىپتار مەن تاباندار, سونداي-اق ارنايى ماقساتتاعى اياق كيىمدەرگە ارنالعان تاباندار ءوندىرىسى جولعا قويىلدى. "قاراپايىم زاتتار ەكونوميكاسى" باعدارلاماسى اياسىندا ءوندىرىستى كەڭەيتۋگە 290 ملن تەڭگە ءبولىندى جانە جەرگىلىكتى تۇرعىندار ءۇشىن قوسىمشا 10 جاڭا جۇمىس ورنى قۇرىلدى.
شىعارىلاتىن ءونىم اسسورتيمەنتىندە ەرلەر اياق كيىمىنىڭ 30-دان استام مودەلى بار (ەتىك, باتەڭكە, تۋفلي, ساندالي, سپورتتىق اياق كيىم جانە باسقالار). اياق كيىمنىڭ بارلىق مودەلدەرى تازا بىلعارىدان جاسالعان جانە جوعارى بەرىكتىككە يە. اياق كيىم تابانىن دايىنداۋ پروتسەسىندە مىناداي ماتەريالدار پايدالانىلادى: ەۆا, تەرمو جانە كاۋچۋك.
ءوز كەزەگىندە, ارنايى ەكونوميكالىق ايماقتىڭ دايىن ينفراقۇرىلىم تۇرىندەگى جەڭىلدىكتەرى مەن پرەفەراتسيالارى, جەرگە, م ۇلىككە سالىقتاردان, كورپوراتيۆتىك تابىس سالىعىنان بوساتۋ, يمپورتتىق ققس-تان بوساتۋ, يمپورتتالاتىن شيكىزات پەن جابدىققا كەدەندىك باجدار كاسىپورىننىڭ تۇراقتى دامۋىنا جانە نارىقتى وتاندىق ءوندىرىستىڭ باسەكەگە قابىلەتتى ونىمدەرىمەن تولتىرۋعا مۇمكىندىك بەرەدى.
