پروكۋراتۋرا وكىلدەرى ساراپشىنىڭ قوسىمشا ماتەريالداردى ۇسىنۋ تۋرالى وتىنىشىنە بايلانىستى 2020 جىلى تاعايىندالعان قوسىمشا سوت-قۇرىلىس ساراپتاماسى توقتاتىلعانىن حابارلادى.
«جوعارىدا كورسەتىلگەن ساراپتاما ناتيجەسى بولماي كۇدىكتى تۇلعالارعا مارتەبە بەرۋ ماسەلەسى جانە ءىستى سوتقا جىبەرۋگە ەرتە. قىلمىستىق-پروتسەستىك كودەكستىڭ 201-بابى بويىنشا «سوتقا دەيىنگى تەرگەۋ دەرەكتەرىن جاريا ەتۋگە جول بەرمەۋ» تالاپتارىنا سايكەس سوتقا دەيىنگى تەرگەۋ دەرەكتەرى جاريا ەتىلمەيدى», دەدى الماتى پروكۋراتۋراسىنىڭ وكىلى.
ايتا كەتەيىك, 2019 جىلعى جەلتوقساندا الماتىداعى كوپقاباتتى ۇيلەردىڭ ءبىرىنىڭ تۇرعىندارى ءۇي ىرگەتاسىنا شاعىمداندى. تۇرعىندار ۋاقىتشا جالدامالى پاتەرگە كوشىرىلىپ, عيماراتتى ماماندار تەكسەردى. ناتيجەسىندە, №179 ءۇي 31 سانتيمەترگە قيسايعانى بەلگىلى بولدى. 2020 جىلعى شىلدەدە قازقسعزي جاقىن تۇرعان عيماراتتاردى تەكسەرۋ ناتيجەسى بويىنشا ول ۇيلەردى دە نىعايتۋدى كەرەگىن حابارلاعان.
سونىمەن قاتار, العاباستاعى عيماراتتاردىڭ ءبىرىنىڭ قاسبەتى قۇلاعان ەدى. وندا ۇيلەر ماسەلەسى شەشىلمەگەن كۇيىندە قالدى.
