«ۇكىمەتتىڭ كەڭەيتىلگەن وتىرىسىندا پرەزيدەنت سالىقتىق اكىمشىلەندىرۋدى تۇبەگەيلى وڭايلاتۋ مەن جەڭىلدەتۋ بويىنشا مىندەتتەر قويدى. بۇل باعىتتا ەڭ الدىمەن جەكە تۇلعالاردىڭ مۇلكى مەن جەرىنە سالىناتىن سالىقتار بىرىكتىرىلىپ, بىرىڭعاي تولەممەن تولەنەتىن بولادى. كوپ پاتەرلى تۇرعىن ۇيلەردىڭ مەنشىك يەلەرى ءۇشىن جەر سالىعى بولمايدى», دەدى ول.
ءمينيستردىڭ ايتۋىنشا, حالىققا ارنالعان سالىق تولەۋدىڭ ىڭعايلى «ە-Salyq Azamat» ءموبيلدى قوسىمشاسى ازىرلەندى. قوسىمشا ونلاين سالىق تولەۋگە, ارتىق تولەمدى بولدىرماۋعا جانە تاعى باسقا دا جەڭىلدىكتەرگە مۇمكىندىك بەرەدى.
«جەكە كاسىپكەرلەر ءۇشىن «E-Salyq Business» قوسىمشاسى ازىرلەنۋدە. جەكە كاسىپكەرلەردى تىركەۋ مەن جابۋدى, سالىق ەسەپتىلىگىن ۇسىنۋدى وڭايلاتۋ, سونداي-اق كوميسسيانى جانە فيسكالدىق دەرەكتەر وپەراتورلارىنىڭ قىزمەتتەرىنە اقى تولەۋدى الىپ تاستاۋ قاراستىرىلۋدا. وسى قوسىمشالار سالىق تولەۋشى راستاي الاتىن نەمەسە تۇزەتە الاتىن ەسەپتىلىكتى اۆتوماتتى تۇردە قالىپتاستىرادى», دەدى ەرۇلان جاماۋباەۆ.
