قوعام • 09 اقپان، 2021

پوليتسەي مەن تۇرعىن كوپىردەن سەكىرمەك بولعان سارىاعاشتىق جىگىتتى قۇتقاردى

131 رەت كورسەتىلدى

سارىاعاش اۋدانىندا پوليتسەي مەن تۇرعىن كوپىردەن سەكىرمەك بولعان جىگىتتى قۇتقاردى، دەپ حابارلايدى Egemen.kz Polisia.kz سايتىنا سىلتەمە جاساپ.

سارىاعاش اپب-نە سارىاعاش قالاسى جەتىساي-شىمكەنت تاس جولىندا ورنالاسقان اسپالى كوپىردەن تۇنگى ۋاقىتتا بەلگىسىز ازامات ءوز-وزىنە قول جۇمساماق بولىپ، قۇلايىن دەپ تۇرعانى جونىندە حابارلاما كەلىپ تۇسەدى. اتالعان جايت سارىاعاش اپب-نە تىركەلىپ، پوليتسەيلەر بىردەن وقيعا ورنىنا شىقتى.

جەدەل ءۇش مينۋت ىشىندە جەتكەن پوليتسەيلەر كوپىرگە ءىلىنىپ تۇرعان ازاماتتى كورەدى. ءوز-وزىنە قول جۇمساۋ ماقساتىندا بيىكتەن سەكىرمەك بولعان ەر ادامنىڭ جانىنا جاقىنداپ، ونى امان الىپ قالۋعا قاجەتتى شارالاردى ىسكە اسىرادى. سول جەردەگى تۇرعىننىڭ ءبىرى ونى سوزگە اينالدىرىپ تۇرعانىندا، پوليتسەي كوپىرگە ءىلىنىپ تۇرعان ەر ادامنىڭ بەلدىگىنەن قاتتى ۇستاپ قالادى. سودان قالعان پوليتسەيلەردىڭ بارلىعى جابىلا، ونى شىعارىپ الادى. وسىلايشا سارىاعاش اپب جپپب قىزمەت ينسپەكتورى ەربولات ديحانباەۆ پەن سارىاعاش اۋداندىق حقكو قىزمەتشىسى تالعات كاميلوۆتەردىڭ شۇعىل ءىس-ارەكەتتەرى مەن قىراعىلىعى ارقاسىندا، كوپىردەن قۇلاماق بولعاننىڭ ويى ىسكە اسپاي قالدى.

تەكسەرۋ بارىسىندا ءوز ءومىرىن قيماق بولعان جان، جىگىت بولىپ شىقتى. ساراپتاما قورىتىندىسىنا سايكەس ونىڭ “جەڭىل” دارەجەلى ماساڭ كۇيدە ەكەندىگى انىقتالدى. بەلگىلى بولعانداي، تۇرعىن وتباسىلىق كيكىلجىڭنەن سوڭ، ىشىمدىك ىشكەن. سودان سۋيتسيد جاساۋ ويى تۋىنداعان. الايدا پوليتسەيلەردىڭ كاسىبي شەبەرلىگى ارقاسىندا بارلىعى جاقسى اياقتالىپ، ول وتباسىنا امان-ەسەن تابىستالدى. جىگىتپەن پسيحولوگتار اڭگىمەلەسۋ ۇيىمداستىرىپ، ءتۇسىندىرۋ جۇمىستارىن جۇرگىزدى.

جالپى، تۇرعىنداردىڭ اماندىعى مەن تىنىشتىعىن ساقتاۋدا پوليتسەيلەر ارقاشان العى شەپتە جۇرەدى. ءتارتىپ ساقشىلارىنىڭ باستى مىندەتتەرىنىڭ ءبىرى – حالىقتىڭ قورعانى، قورعاۋشى بولۋ. بۇل باعىتتاعى جۇمىستار الداعى ۋاقىتتا دا جالعاسا بەرمەك.

سوڭعى جاڭالىقتار

قوردىڭ قوماقتى قولداۋى

ەكونوميكا • كەشە

وتەماقىعا ءوتىنىش بەر

ەكونوميكا • كەشە

وتباسىندا – 36 بالا

قوعام • كەشە

سۋ باسۋدىڭ قاۋىپ-قاتەرى

ايماقتار • كەشە

تۇماۋدان ساق بولىڭىز!

مەديتسينا • كەشە

كۇرە جولداعى اپات

ايماقتار • كەشە

سەنى وسىلاي سۇيەمىن

ادەبيەت • كەشە

اعاش ادام

ادەبيەت • كەشە

اسىلدىڭ سىنىعى

ايماقتار • كەشە

ۇقساس جاڭالىقتار