بايقاۋعا ءال-فارابي اتىنداعى قازاق ۇلتتىق ۋنيۆەرسيتەتى جۋرناليستيكا فاكۋلتەتى ءباسپاسوز جəنە ەلەكتروندى باق كافەدراسىنىڭ قازاق, ورىس جانە اعىلشىن بولىمدەرى, سونداي-اق ۆەتنام, قىتاي, اۋعانستان, رەسەي, قىرعىزستان ەلدەرىنىڭ جۋرناليستيكا باعدارلاماسىنىڭ ستۋدەنتتەرى مەن ماگيسترانتتارى قاتىستى.
ۇزدىك جۇمىستاردىڭ توپتاماسى جيناق رەتىندە باسپاعا ۇسىنىلدى. جۇلدەلى ءى ورىن يەگەرلەرى بولىپ ماريا لاۆريششەۆا, ماريا ماترۋنينا, «جاس تولقىن» توبى تانىلسا, ءىى ورىن شي چەنسياو, احۋنباي ايعانىم, تسزياو حۋنيۋن بەكبەرگەن ءامىرجان, ۆيكتوريا چەۆگان, اسەل اۋكەشەۆا ەسىمدى بەلسەندى ستۋدەنتتەرىمىزگە بۇيىردى. مۇرات قىمبات, اقنيەت قاجىمۇرات, بەرباەۆا ايگەليا, فان نگوك ماي, اناستاسيا كشنياكينا كاميليا سادىكوۆا, سنەجانا تولكاچەۆا, ديليارا ياحياروۆا, اسەم اگىباەۆا جۇلدەلى ءىىى ورىن ساتىسىنان كورىندى. بايقاۋدا ۇزدىك جۇمىستارىمەن تانىلعان مەيربەك بايان, اۋعالي مەرەي, مۇقانعالي اقەركە, توقان ماديار, تىلەۋقابىل اياۋلىم, كۋشاليەۆا تاميريس, ءامىروۆ اقجول, چجان تسيان, انەلجان كورىكباي ىنتالاندىرۋ يەگەرلەرى اتاندى.
جەڭىمپازدار بايقاۋدان العان اسەرلەرىمەن ءبولىستى. سولاردىڭ ءبىرى, ۆەتنام ەلىنەن قاتىسۋشى ستۋدەنت – فان نگوك ماي «بايقاۋ ماعان ۋنيۆەرسيتەتتەگى ءبىرىنشى كۋرستىڭ العاشقى سەمەسترىن ويشا تارازىلاۋىما, قاشىقتىقتان ءبىلىم الۋدىڭ نە ەكەنىن تۇسىنۋگە مۇمكىندىك بەردى. جۋرناليستىك ماتەريالدار سايىسى مەنى جاڭالىقتارعا كوبىرەك قىزىعۋعا, ۋاقىت بەلدەۋلەرىنەن شىعۋعا, ەپيدەميانى جەڭۋگە, جۋرناليستيكاداعى شىعارماشىلىقتىڭ باسەكەلەستىگىن سەزىنۋگە مۇمكىندىك بەردى» دەگەن ويىمەن بولىسسە, قىتايلىق تسزياو حۋنيۋننىڭ ايتۋىنشا جۋرناليستىك ماتەريالداردىڭ بايقاۋى وقشاۋلانعان كەزدە ناقتى نەمەن اينالىسۋعا مۇمكىندىك بەردى.
ءبىلىمدى الۋدان باسقا, ەڭ ماڭىزدىسى, وتباسىمەن وتكىزەتىن ۋاقىتى مول بولعان. بايقاۋدا رەسەيلىك ستۋدەنتتەر دە باعىن سىنادى. سولاردىڭ ءبىرى التاي مەملەكەتتىك ۋنيۆەرسيتەتى جۋرناليستيكا فاكۋلتەتىنىڭ 2-كۋرس ستۋدەنتى, ءىىى ورىن يەگەرى ناستيا كشنياكينا: «سوڭعى كەزدە ءتۇرلى بايقاۋلارعا قاتىسۋ ستۋدەنتتىك ءومىردىڭ اجىراماس بولىگىنە اينالدى. مەن بايقاۋ تۋرالى اياقتالۋىنا جاقىن قالعان ساتتە ءبىلدىم. ايتار ويىمدى تەز جيناپ, قاشىقتان وقۋ تۋرالى ءوز ويىمدى ورتاعا سالدىم. مەنىڭ ويىمشا, بۇل جاس جۋرناليستەرگە العاشقى ەڭبەكتەرىن جازۋعا جول اشتى, تانىمال بولۋدىڭ باسپالداعى ىسپەتتى. ەڭ باستىسى, يدەيا بولسا» دەگەن ويىن ورتاعا سالدى.
التاي ۋنيۆەرسيتەتىنىڭ ستۋدەنتى ماريا لاۆريششەۆا ءوزىنىڭ پاندەميا جاعدايىنداعى ءبىلىم الۋ پراكتيكاسىن ءبولىستى.
«مەن ول كەزدە ماۋسكەۋدە دوسىممەن بىرگە ءبىلىم بەرۋ سايتىندا رەداكتور ەدىم. ءبىز دە باسقا ۋنيۆەرسيەتتەر سياقتى قاشىقتان وقۋعا كوشتىك. العاشىندا ءبىز قاشىقتان وقۋدى تۇسىنە قويمادىق. توبىمىزدا قاشىقتان وقۋدى قولداعاندار دا, قارسىلىق تانىتقاندار دا بولدى. دەگەنمەن, ءبىز قانداي جاعدايدا بولماسىن وقۋدىڭ قاجەتىگىن تۇسىندىك», دەدى ءوز سوزىندە. ال ج.بالاساعىن اتىنداعى قىرعىز مەملەكەتتىك ۋنيۆەرسيتەتىن جۋرناليستيكا فاكۋلتەتىنىڭ 1-كۋرس ستۋدەنتى بەرباەۆا ايگەليا: «ون اي قاشىقتان وقۋ كەزىندە كۇندە الدىما ماقسات قويدىم. ونسىز مەنىڭ بىلىمگە دەگەن قۇشتارلىعىم جوعالار ەدى. تاڭەرتەڭ جولعا كەتەتىن ۋاقىتتىڭ ورنىنا سپورتپەن اينالىسۋعا, كىتاپ وقۋعا, شەت ءتىلىن ۇيرەنۋگە ۋاقىت تاپتىم. ءبىز ومىردەگى ەڭ باستى ساباقتى – دەنساۋلىق ساباعىن ۇيرەندىك», دەپ اتاپ ءوتتى.
