ونەر • 08 اقپان، 2021

«تاڭ شولپان» تاماشالارى

85 رەت كورسەتىلدى

ۇلتتىق مۋزەيدە قازاقستان تاۋەلسىزدىگىنىڭ 30 جىلدىعى قارساڭىندا «تاڭ شولپان» حالىقارالىق تاۋەلسىز سۋرەتشى ايەلدەر قورىنىڭ «تاڭ شولپان» اتتى كورمە­سى ءوتتى. كورمە اياسىندا الدىمەن ونەرتانۋشى عالىم­دار مەن ونەر قايراتكەرلەرىنىڭ قاتىسۋىمەن دوڭگە­لەك ۇس­تەل ۇيىمداستىرىلىپ، ايەلدەر قاۋىمىنىڭ شىعار­ماشى­لىقپەن اينالىسۋى، ولاردىڭ دامۋىنا جاعداي جاساۋ ءتارىزدى وزەكتى ماسەلەلەر تالقىلاندى.

 

كورمەنىڭ كوزدەگەنى – حا­لىق­ارالىق ارت كەڭىستىكتە ونەر­دىڭ ءارتۇرلى جانرلارىن­دا جۇمىس ىستەيتىن، ءوزىنىڭ جە­كە قايتالانباس قولتاڭباسى، دۇ­نيەتانىمى، جاڭاشىلدىعى بار دارىندى، بىرەگەي، جاسام­پاز ايەلدەردىڭ شىعار­ما­شى­لىعىن دامىتۋ ارقىلى سۋ­رەتشى ايەلدىڭ مارتەبەسىن كو­تەرۋ. جيىن بارىسىندا ءسوز العان «تاڭ شولپان» حتساق پرەزيدەنتى ءجاميلا تا­كەن: «قا­زىرگى تاڭدا وتباسىن قۇرىپ، انا بولۋ عانا ەمەس، ءوزىن-ءوزى دامىتىپ، ءوز قول­تاڭ­باسىن، كوز­قاراسىن قالىپتاستىرىپ ۇل­­گەرگەن تالانتتى ايەلدەر كوپ، ولاردى ونەرگە دەگەن ما­­حاب­بات بىرىكتىرەدى. ءبىزدىڭ ماقساتىمىز – ۇنەمى جاڭا با­عىتتى ىزدەپ جۇرەتىن تالانتتى سۋرەتشىلەردىڭ شىعارمالارىن حالىقارالىق دەڭگەيدە ناسيحاتتاۋ»، دەدى.

دوڭگەلەك ۇستەل بارىسىن­دا ق.ساتپاەۆ اتىنداعى مەم­لەكەتتىك پوليتەحنيكالىق ۋنيۆەر­سي­تە­تى­نىڭ ارحيتەك­تۋ­­را جانە ديزاين كا­فەدرا­سى­نىڭ پرو­فەسسورى گۇل­نار ماۋ­­لە­نوۆا، قازۇوۋ «ونەر­تانۋ» كا­فە­دراسىنىڭ پروفەسسورى، يۋنەسكو جانىنداعى حا­لىق­ارالىق ونەرتانۋشى-سىن­­شىلار اسسوتسياتسياسىنىڭ ء(اىسا) مۇشەسى، ونەرتانۋ عى­لىمدا­رىنىڭ كانديداتى ار­داق يۋسۋپوۆا، ۇلتتىق مۋزەي­دىڭ «ونەر­تانۋ» ءبولىمىنىڭ جە­تەكشىسى، PhD دوكتورى ەلدوس مەر­تەنوۆ ءسوز سويلەپ، ءوز ويلارىن ورتاعا سالدى.

1

القالى جيىننان سوڭ ۇلتتىق مۋزەي مەن «تاڭ شول­­پان» حالىقارالىق تاۋەل­سىز سۋ­رەتشى ايەلدەر قورى ارا­سىن­داعى شىعارماشىلىق ىن­­تىماقتاستىقتى ودان ءارى نى­عايتۋ قاجەت ەكەنى تۋرا­لى ۇسىنىس ايتىلدى. حا­لىق­­ارالىق تاۋەلسىز سۋرەتشى ايەلدەر قورىنىڭ «تاڭ شول­پان» اتتى كورمەسىنىڭ اشىلۋ سال­تاناتىمەن جالعاسقان سالتاناتتى جيىندا ءسوز سويلەگەن ۇلتتىق مۋزەي ديرەكتورىنىڭ ورىنباسارى اباي ساتىبالدين «بۇگىندە كوپتەگەن تالانت يە­لەرى ونەردىڭ قۇدىرەتى ارقىلى بيىك شىڭداردى باعىندىرىپ كەلەدى. «تاڭ شولپان» كور­مە­سىنىڭ نەگىزگى ماقساتى دا كو­رەرمەن قاۋىمنىڭ نازارىنا ايەل­دەر الەمىن الاڭداتقان سان الۋان تاقىرىپتارداعى ما­سەلەلەردى نازىك قىلقالام شەبەرلەرىنىڭ تۋىندىلارى ار­قىلى جەتكىزۋ»، دەي كەلە، «تاڭ شولپان» حتساق پرە­زي­دەنتى ءجاميلا تاكەنگە جانە اتالعان ۇجىمنىڭ مۇشەلەرىنە ۇلتتىق مۋزەي ديرەكتورى ا.مۇ­حامەدي ۇلىنىڭ اتىنان ال­عىس حات تابىستادى.

كورمەگە كەسكىندەمەلىك، گرا­فيكالىق جۇمىستار، ءمۇسىن جانە ساندىك-قولدانبالى ونەر تۋىن­دىلارى (گوبەلەندەر، كيىز­دەن جاسالعان پاننو، شي ءورىمى) قويىلىپ، بار­لىعى 50-دەن استام كاسىبي سۋرەت­شى­لەر­دىڭ جۇمىسى كوپشىلىك نازا­رىنا ۇسىنىلدى. بۇل باعىت­تاعى ءىس-شارالار بولاشاقتا دا جالعاسىن تابا بەرمەك. ال كە­لىپ تاماشالايمىن دەي­تىن­دەرگە «تاڭ شولپان» كور­مەسى ءبىر اي كولەمىندە ايقارا اشىق.

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

ۇقساس جاڭالىقتار