ۇلت ۇستازى – ى. ءالتىنساريننىڭ 180, ۇلتتىق ءبىلىم اكادەمياسىنىڭ قۇرىلعانىنا 100, قازاقستان رەسپۋبليكاسىنىڭ تاۋەلسىزدىگىنە 30 جىلدىعى ءبىر-بىرىمەن تۇسپا-تۇس كەلىپ وتىر. ول ءوز سوزىندە اكادەميانىڭ جانىنان جاس عالىمداردى تاجىريبەدەن وتۋگە دايىنداۋ, عىلىمي-ادىستەمەلىك جۋرنالدار شىعارۋ, عىلىمي نەگىزدە مەتودولوگيالىق كابينەتتەردى اشۋ سىندى جاڭا باستامالار جوسپارلانۋدا. سونداي-اق, بولاشاقتا پەداگوگيكالىق جوو-مەن بىرلەسە وتىرىپ, وتاندىق عىلىم جۇيەسىن دامىتۋ ماقساتىندا دوكتورلىق كەڭەسىن قۇرۋ ساپالى ءبىلىمدى جەتىلدىرۋدىڭ قادامى بولماق. جالپى, عاني بەكتاي ۇلى قازاق ەلىنىڭ عىلىمىن «برەندكە» اينالدىرۋدى باستى ماقسات ەتىپ وتىرعانىن ايرىقشا اتاپ ءوتتى.
ەركىن تۇردە بولعان ونلاين باسقوسۋدا بەلگىلى قوعام قايراتكەرلەرى, تانىمال جۋرناليستەر جانە بىرقاتار باق وكىلدەرى ءبىلىم بەرۋ ىسىندەگى ماڭىزدى ماسەلەلەردى كوتەردى. بەلگىلى جۋرناليست بيبىگۇل جەكسەمبايدىڭ ايتۋىنشا, ءوز تۇرىپ جاتقان نورۆەگيا مەملەكەتىندەگى ءبىلىم بەرۋ ۇدەرىسىندەگى ەرەكشەلىكتەرگە توقتالدى. ول جاقتا ساباق كەزىندەگى ءۇزىلىستى ۇزارتىپ بالالاردى تازا اۋاعا ءجيى شىعارۋ قالىپتى جاعدايعا اينالعان. گەرمانيادان قوسىلعان عالىم-ۇستاز ابدۋرراحمان سەل مىرزا ۆالدورف مەكتەپتەرىنىڭ دە ءبىلىم بەرۋ جۇيەسىندەگى وڭتايلى ادستەمەلەرى جايىندا ءوز ويىن جەتكىزدى. وقۋشىلاردىڭ ءبىلىمىن باعالاۋ جۇيەسىنە 1 جانە 8 سىنىپ ارالىعىندا ۇپاي, باعا قويىلمايدى. نەگە دەسەڭىز, باعاعا تاۋەلدى بولۋ ولاردىڭ جۇيكەسىنە كەرى اسەرى بولۋى مۇمكىن. ءتىپتى وقۋ ۇدەرىسىندە وقۋلىقتار وتە از پايدالاناتىن كورىنەدى.
جيىن سوڭىندا ءبىلىم ورداسىنىڭ باسشىسى ءبىلىم بەرۋ ماسەلەلەرى توڭىرەگىندە ءجيى سۇحباتتاسىپ تۇرۋعا شاقىردى.
