بۇرىن بالا وزدىگىنەن تاماقتانا الماي̆تىن, ول اسقازانداعى ارناي̆ى تۇتىكشەمەن اس ىشەتىن. وپەراتسيا ناتيجەسىندە بالانىڭ تۋعاننان تاماق وتپەي̆تىن وڭەشى اسقازانعا جالعاندى. وتا 5 ساعاتقا سوزىلعان. ەندى وڭەشتىڭ قىزمەتىن اسقازاننىڭ ءبىر بولىگى اتقارادى جانە بالا اۋزىمەن ءوزى تاماقتانا الادى.
حيرۋرگيا ءبولىمىنىڭ مەڭگەرۋشىسى, مەديتسينا عىلىمدارىنىڭ دوكتورى احپاروۆ نۇرلان نۇركين ۇلىنىڭ تۋا بىتكەن اس قورىتۋ جولى اقاۋلارىن حيرۋرگيالىق جولمەن تۇزەتۋ سالاسىندا تاجىريبەسى مول.
بۇگىندە بالانىڭ جاعداي̆ى جاقسى, ول رەانيماتسيادان بولىمشەگە اۋىستى, ءوزى تاماقتانادى.
جىل ساي̆ىن پبحعو-دا وڭىرلەردەن كەلگەن 300-دەن استام بالاعا تۋا بىتكەن اس قورىتۋ ورگاندارى اقاۋى بوي̆ىنشا وپەراتسيا جاسالادى. شەتەلدىك مامانداردىڭ كومەگىنسىز وڭەشتى اۋىستىرۋ وپەراتسياسى قازاقستاندا تەك پبحعو-دا جاسالادى, جىلىنا ورتا ەسەپپەن وسىنداي̆ 6-7 وپەراتسياعا ءتۇرلى ادىستەمە قولدانىلادى.
بالا بىتكەندە ۇرىقتىڭ دامۋىنا ءتۇرلى فاكتور اسەر ەتۋى مۇمكىن, سونىڭ سالدارىنان نارەستە اۋرۋ بولىپ تۋادى. سوندىقتان, انا دەنساۋلىعىن كۇتۋ, جۇكتى اي̆ەلدەردى ۋاقتىلى ەسەپكە الۋ جانە ولاردى ۇنەمى ديناميكالىق باقىلاۋ وتە ماڭىزدى.
