ءىلياس جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتى مەملەكەتتىك اتاۋدان شىعىپ, قازاقستان رەسپۋبليكاسى ۇكىمەتىنىڭ 2019 جىلعى 11 قازانداعى №752 قاۋلىسىنا سايكەس ء«ىلياس جانسۇگىروۆ اتىنداعى جەتىسۋ ۋنيۆەرسيتەتى» كوممەرتسيالىق ەمەس اكتسيونەرلىك قوعامى بولىپ قۇرىلدى. بۇل تۋرالى ۋنيۆەرسيتەت رەكتورى قۋات بايمىرزاەۆ جەرگىلىكتى جۋرناليستەرگە بەرگەن سۇحباتىندا مالىمدەگەن.
- قازىرگى ۋاقىتتا مەملەكەتتىك جوعارى وقۋ ورىندارى كوممەرتسيالىق ەمەس اكتسيونەرلىك قوعامعا اينالدى. الايدا, ءبىزدىڭ اكتسيالارىمىزدىڭ 100 پايىزى قر ءبىلىم جانە عىلىم مينيسترلىگىنە تيەسىلى. ونىڭ ۇستىنە پرەزيدەنتتىڭ ءوزى مەملەكەتتىك جوعارى وقۋ ورىندارىنىڭ ساتىلمايتىنى تۋرالى ناقتى ايتتى. سوندىقتان الاڭداۋعا ەش نەگىز جوق, - دەدى ۋنيۆەرسيتەت رەكتورى.
سونداي-اق قۋات بايمىرزاەۆ بۇل وزگەرىستىڭ ۋنيۆەرسيتەت ءۇشىن وڭ تۇسى كوپ ەكەنىن دە اتاپ ءوتتى.
- بۇرىن كوپ سۇراقتارىمىزدى مينيستىرلىككە جىبەرەتىنبىز. ال, قازىر اكادەميالىق بوستاندىعىمىزعا بايلانىستى ول ماسەلەلەردىڭ بارلىعىن ءوزىمىز شەشە الاتىن جاعدايعا جەتتىك. وقۋ باعدارلاماسىنىڭ 90 پايىزى وزىمىزدە قۇراستىرىلادى. قالعان 10 پايىزىنا تەك مىندەتتى پاندەر كىرەدى. ەندى ءبىز وقۋ باعدارلاماسىن قۇراستىرۋ بارىسىندا «اتامەكەن» پالاتاسىمەن جانە جۇمىس بەرۋشىلەرمەن كەلىسىم جاسايمىز. نەگە؟ سەبەبى قازىر جوعارعى وقۋ ورىندارىنىڭ رەيتينگى ۋنيۆەرسيتەت تۇلەكتەرىنىڭ جۇمىسقا ورنالاسۋىمەن ولشەنەدى. مويىنداۋ كەرەك, قازىر جاس مامانداردىڭ جۇمىسقا تۇرۋىندا كريتەريلەر بار. وسىنىڭ الدىن الۋ ءۇشىن ءبىز جۇمىس بەرەتىن مەكەمەلەرمەن كەلىسىپ, ولارعا قانداي ماماندار قاجەت ەكەنىن سۇراستىرامىز. ولار ماماندىقتى كورسەتىپ جانە سول سالانى مەڭگەرىپ شىققان جاس ماماننان بەلگىلى ءبىر كاسىبيلىكتى تالاپ ەتەدى. ءبىز وسىلاردى ەسكەرىپ, وقۋ باعدارلاماسىن قۇراستىرامىز. كەيىن وزىمىزدەن وقىپ شىققان تۇلەكتەر ول جاقتا ساپالى قىزمەت ەتىپ جاتىر ما, الدە بىلىكتىلىكتەرى تومەن بە دەگەن سياقتى ساۋالدار جولدانادى. ەگەر كەم تۇستارى بولىپ جاتسا, الداعى ۋاقىتتا ونىڭ ورنىن تولىقتىرۋعا كۇش جۇمسايىمىز. ياعني, بۇل ۋنيۆەرسيتەتىمىزدىڭ باسەكەلەستىگىن ارتتىرادى, - دەپ ءتۇسىندىردى جەتىسۋلىق جوو رەكتورى.
