كىتاپحانانىڭ كىتاپ قورىن تولىقتىرۋ, ودەبيەتتەردى ناسيحاتتاۋ, ادامداردىڭ كىتاپ وقۋعا قىزىعۋشىلىعىن قالىپتاستىرۋ, وقىرمان سۇرانىسىن قاناعاتتاندىرۋ مىندەتىن اتقاراتىن كىتاپحاناشىنىڭ كاسىبي بىلىكتىلىگىن ارتتىرۋى – ۋاقىت تالابى.
قازىر «ورلەۋ» باۇو» اق فيليالى الماتى قالاسى بويىنشا پق باي الماتى قالاسىنداعى ينستيتۋت كىتاپحاناسى قالا مەكتەپتەرى مەن بارشا ءبىلىم وردالارىنداعى كىتاپحاناشىلارمەن تىعىز بايلانىستا جۇمىس جاسايدى. وسى ەڭبەكتىڭ ناتيجەسى بولسا كەرەك – بۇگىندە ينستيتۋت قابىرعاسىندا ءبىلىمىن جەتىلدىرەمىن دەگەن كىتاپحاناشىلار سانى دا ارتىپ كەلەدى. بۇگىندە اقىلى كۋرسقا قالا مەكتەپتەرىنەن 21 (جيىرما ءبىر) كىتاپحاناشى قابىلدانىپ, ءدارىس الۋدا. كۋرستىڭ بەكىتىلگەن وقۋ-تاقىرىپتىق جوسپارى جانە ساباق كەستەسى نەگىزىندە ينستيتۋتتىڭ وقۋ جۇمىسى جانە مونيتورينگتىك قىزمەت ءبولىمىنىڭ كىتاپحانا ءىسىنىڭ باس مامانى ن.ا. كارابالاەۆامەن بەلگىلى ءبىر جۇمىستاردى ورىنداۋ ۋاقىتىنا ەڭبەك شارتى دا جاسالدى. ال كۋرستىڭ كۋراتورى جانە لەكتور-دارىسكەرى رەتىندە كۋرستى ۇيىمداستىرۋ جانە وتكىزۋ جاۋاپكەرشىلىگى ججگپوا كافەدراسىنىڭ اعا وقىتۋشىسى ج.م. يبراەۆاعا جۇكتەلدى.
كىتاپحانا ءوزىنىڭ بارشا ىزگى نيەتتى وقىرماندارىن, تەرەڭ ءبىلىم قورىمەن سۋسىنداتىپ, ىزدەنگەندەرگە ىزگىلىكپەن باعىت كورسەتەتىن اقپاراتتىق مادەني وردا. ال كىتاپحانا ماماندارىنا جۇكتەلەتىن مىندەتتىڭ جۇگى دە اۋىر. جۇرت كوپ بىلە بەرمەيتىن, كوپ ەلەنە بەرمەيتىن كىتاپحاناشىنىڭ زامان اعىمىنا سايكەس جاڭا تەحنولوگيامەن جۇمىس جاساۋ جولىنداعى ەڭبەگى قوماقتى.
