3 اقپانداعى جاعداي بويىنشا تۇرعىن ءۇي جاعدايلارىن جاقسارتۋعا ارنالعان بىرجولعى زەينەتاقى تولەمدەرىن الۋ جونىندەگى جەدەل دەرەكتەر مىناداي:
- بىرىڭعاي جيناقتاۋشى زەينەتاقى قورى 2021 جىلعى 25 قاڭتار مەن 3 اقپان ارالىعىندا ۋاكىلەتتى وپەراتورلاردان ماقساتتى پايدالانۋ ءۇشىن مەرزىمىنەن بۇرىن تولەمدەردى جۇزەگە اسىرۋعا جولداعان 75 131 سالىمشىنىڭ ءوتىنىشىن قابىلدادى.
- بجزق-عا وتىنىشتەردىڭ كوپشىلىگى «وتباسى بانك» تۇرعىن ءۇي قۇرىلىس جيناق بانكى» اق ۋاكىلەتتى وپەراتورىنان كەلىپ ءتۇستى. وسى وپەراتور ارقىلى 2021 جىلعى 25 قاڭتار مەن 3 اقپان ارالىعىندا 73 355 ءوتىنىش قابىلداندى.
جالپى سوماسى 294,1 ملرد تەڭگەگە جۋىق 53 709 ءوتىنىش (73%-دان استام) الدىن الا ماقۇلدانىپ, وڭدەۋگە قابىلداندى. بجزق 19 646 ءوتىنىشتى (شامامەن 27%) زاڭناما تالاپتارىنا سايكەس كەلمەيتىندىكتەن قابىلدامادى.
«وتباسى بانك» اق ۋاكىلەتتى وپەراتورىنان قابىلدانعان 27 327 ءوتىنىش بويىنشا 2021 جىلعى 1-3 اقپان ارالىعىندا جالپى سوماسى شامامەن 151 ملرد تەڭگەگە تولەمدەر جۇزەگە اسىرىلدى. تولەمدەردىڭ ورتاشا سوماسى 5,5 ملن تەڭگەدەن استى.
«قازاقستان حالىق بانكى» اق ۋاكىلەتتى وپەراتورىنان 28 قاڭتار مەن 3 اقپان ارالىعىندا 1 766 ءوتىنىش كەلىپ ءتۇستى. ونىڭ ىشىندە 1 548 ءوتىنىش (شامامەن 87%) وڭدەۋگە قابىلداندى, 228 ءوتىنىش زاڭناما تالاپتارىنا سايكەس كەلمەۋىنە بايلانىستى قابىلدانبادى. ۋاكىلەتتى وپەراتوردىڭ ارنايى شوتىنا 8,3 ملن تەڭگە اۋدارىلدى.
وسىلايشا بجزق ۋاكىلەتتى وپەراتورلاردان وڭدەۋگە وتىنىمدەر قابىلداي باستاعان 25 قاڭتاردان باستاپ جالپى سوماسى 301,7 ملرد تەڭگەدەن استام سوماعا كەيىننەن تولەم جاساۋ ءۇشىن 55 257 ءوتىنىش وڭدەۋگە الىندى. سالىمشىلاردىڭ ۋاكىلەتتى وپەراتور رەتىندە ايقىندالعان بانكتەردە اشىلعان ارنايى شوتتارىنا شامامەن 151 ملرد تەڭگە اۋدارىلدى.
ۇكىمەت قاۋلىسىمەن بەكىتىلگەن «زەينەتاقى تولەمدەرىن, بىرجولعى زەينەتاقى تولەمدەرىن تۇرعىن ءۇي جاعدايلارىن جاقسارتۋ جانە (نەمەسە) ەمدەلۋگە اقى تولەۋ ماقساتىندا جۇزەگە اسىرۋ» قاعيدالارىنا سايكەس, جيناقتاردى ۋاكىلەتتى وپەراتورعا اۋدارۋ ۋاكىلەتتى وپەراتوردان بجزق-عا سالىمشىنىڭ ءوتىنىشى كەلىپ تۇسكەننەن كەيىن 5 جۇمىس كۇنى ىشىندە جۇزەگە اسىرىلاتىنىن ەسكە سالامىز.
بۇل رەتتە قازاقستان رەسپۋبليكاسى ازاماتتىق كودەكسىنىڭ 173-بابىنا سايكەس ۋاقىت كەزەڭىمەن بەلگىلەنەتىن مەرزىمنىڭ ءوتۋى وقيعانىڭ باستالۋى بەلگىلەنگەن كۇنتىزبەلىك كۇننەن نەمەسە وقيعانىڭ باستالۋىنان كەيىنگى كەلەسى كۇنى باستالاتىنىن اتاپ وتكەن ءجون.
قولجەتىمدى سوما تۋرالى اقپاراتتى enpf.kz سايتىنداعى جەكە كابينەتتەن نەمەسە بىرىڭعاي جيناقتاۋشى زەينەتاقى قورىنىڭ ءموبيلدى قوسىمشاسى ارقىلى ۋاكىلەتى وپەراتورعا بىرجولعى زەينەتاقى تولەمدەرىن الۋعا تىكەلەي ءوتىنىم بەرەر الدىندا مۇقيات تەكسەرۋگە كەڭەس بەرەمىز. سالىمشىنىڭ بجزق-دا جەتكىلىكتىلىك شەگىنەن اساتىن سوماسى بولعان جاعدايدا, ونى پايدالانۋعا ءوتىنىم شەكسىز رەت بەرىلۋى مۇمكىن.
ازاماتتاردىڭ ءوتىنىم بەرۋگە جانە زەينەتاقى جيناقتارىن تۇرعىن ءۇي جاعدايلارىن جاقسارتۋ جانە (نەمەسە) ەمدەلۋگە اقى تولەۋ ءۇشىن نىسانالى پايدالانۋ شارتتارىنا بايلانىستى بارلىق ماسەلەلەرىن ۋاكىلەتتى وپەراتور ء«بىر تەرەزە» قاعيداتى بويىنشا قارايدى جانە بجزق-عا جەكە ءوتىنىش بەرۋ تالاپ ەتىلمەيدى.
