شارا شەڭبەرىندە ەلىمىزدەگى مۇعالىم ماماندارىن دايارلايتىن جەتەكشى جوعارى وقۋ ورنىنىڭ پروفەسسورلارى مەن ءبىلىم بەرۋ سالاسىنداعى بىلىكتى ماماندار ءتۇرلى تاقىرىپ اياسىندا ادىستەمەلىك سەمينارلار مەن ترەنينگتەر سەرياسىن وتكىزەدى.
جوبا اياسىندا «ۇزدىكسىز پراكتيكانى ۇيىمداستىرۋدا قاشىقتان وقىتۋ ماسەلەلەرى جانە ونى شەشۋ جولدارى» تاقىرىبىندا ۆەبينار-ترەنينگ ۇيىمداستىرىلدى. ونلاين رەجىمدە وتكەن شاراعا ەلىمىزدىڭ 10-عا جۋىق جوعارى وقۋ ورنىنىڭ 300-دەن استام پروفەسسور-وقىتۋشىلارى مەن ستۋدەنتتەرى قاتىسىپ, تاقىرىپ توڭىرەگىندە بىلىمدەرىن جەتىلدىرۋگە مۇمكىندىك الدى.
ترەنينگ سپيكەرلەرى رەتىندە قىزدار ۋنيۆەرسيتەتىنىڭ مەكتەپكە دەيىنگى جانە باستاۋىش ءبىلىم كافەدراسىنىڭ پروفەسسورى مىندەتىن اتقارۋشى اقگۇل جۇباندىقوۆا «قاشىقتان وقىتۋ جاعدايىندا تسيفرلىق ءبىلىم بەرۋدىڭ تيىمدىلىگى», پەداگوگيكا عىلىمدارىنىڭ كانديداتى روزا نابۋوۆا «شەكتەۋ جاعدايىندا كريتەريالدى باعالاۋ جۇيەسىن قولدانۋ ماسەلەلەرى», پەداگوگيكا جانە پسيحولوگيا جوعارى مەكتەبى دەكانىنىڭ ورىنباسارى ادىلەت كاريەۆ «قاشىقتان وقىتۋ جاعدايىندا وقۋشىعا پسيحولوگيالىق قولداۋ كورسەتۋ جولدارى», الماتى قالاسىنداعى ا. بايتۇرسىنوۆ اتىنداعى №139 مەكتەپ-گيمنازياسىنىڭ باستاۋىش سىنىپ مۇعالىمى ايىم بالتابەكوۆا «كريتەريالدى باعالاۋ جۇيەسىن قولدانۋ تاجىريبەسى» تاقىرىپتارى توڭىرەگىندە تاجىريبەلەرىمەن ءبولىستى.
سونداي-اق جيىندا قىزدار ۋنيۆەرسيتەتىنىڭ «باستاۋىش وقىتۋدىڭ پەداگوگيكاسى مەن ادىستەمەسى» ماماندىعىنىڭ ستۋدەنتى ايجان اقىلباەۆا «يدەال» ستراتەگياسى بويىنشا كەرى بايلانىس اياسىندا قاشىقتان وقىتۋ جاعدايىندا ۇزدىكسىز پراكتيكا تاجىريبەلەرىمەن بولىسە وتىرىپ, ونىڭ وڭتايلى شەشۋ جولدارىن اڭگىمەلەدى. ۆەبينار بارىسىندا «quizizz» تەستى دە الىندى.
ترەنينگكە قاتىسقان اباي اتىنداعى قازاق ۇلتتىق پەداگوگيكالىق ۋنيۆەرسيتەتى, س. امانجولوۆ اتىنداعى شىعىس قازاقستان ۋنيۆەرسيتەتى, ءى. جانسۇگىروۆ اتىنداعى جەتىسۋ ۋنيۆەرسيتەتى, قورقىت اتا اتىنداعى قىزىلوردا ۋنيۆەرسيتەتى, ش. ءۋاليحانوۆ اتىنداعى كوكشەتاۋ ۋنيۆەرسيتەتى, ى. التىنسارين اتىنداعى ارقالىق پەداگوگيكالىق ينستيتۋتىنىڭ ۇجىمى مەن ءبىلىم الۋشىلارى بىلىكتى مامان دايارلاۋعا زور سەرپىن بەرەتىن وسى تاقىلەتتەس جيىندى ۇيىمداستىرعانى ءۇشىن قىزدار ۋنيۆەرسيتەتىنە العىس ءبىلدىرىپ, ريزاشىلىعىن جەتكىزدى.
ايتا كەتەيىك, ادىستەمەلىك سەمينارلار مەن ترەنينگتەر سەرياسى الداعى ۋاقىتتا دا ءوز جالعاسىن تابا بەرمەك.
