ويىنعا قاتىساتىن سپورتشىلار وزدەرىنىڭ جاي-كۇيلەرى تۋرالى ەسەپ بەرەتىن ارنايى قوسىمشانى پايدالانۋعا مىندەتتەلەدى. سونداي-اق, ولار اينالاداعى ادامدارمەن فيزيكالىق بايلانىستى بولۋدان بارىنشا قاشۋى ءتيىس, ونىڭ ىشىندە قول الىسۋ دا بار.
قاتىسۋشىلار ءوزارا ەكى مەترلىك ارا قاشىقتىقتى ساقتاۋى كەرەك. اتلەتتەردىڭ جارىس كەزىندە كورەرمەندەر قاتارىنا وتىرۋىنا تىيىم سالىنادى, سونىمەن قاتار, جانكۇيەرلەردىڭ ايعايلاپ, ىسقىراتىن زاتتاردى پايدالانۋىنا رۇقسات جوق. سپورتشىلاردى تەك قول شاپالاقتاۋ ارقىلى عانا قولداۋعا بولادى.
توكيوعا جول تارتاردان 72 ساعات ءبۇرىن سپورتشىلار كورونۆيرۋسقا تەست تاپسىرىپ, تەرىس ناتيجە كورسەتىلگەنىن راستايدى. جارىسقا ۇشىپ كەلەردەن ەكى اپتا بۇرىن سپورتشىلار ىشكى قارىم-قاتىناستى ازايتۋى ءتيىس. سپورتشىلارعا كوروناۆيرۋسقا قارسى ۆاكتسينا كۇشتەپ سالىنبايدى, بىراق اتالعان ەرەجە بارلىعىنا ورتاق ەكەنىن ەسكەرۋ قاجەت.
اتالعان تالاپتار بۇزىلعان جاعدايدا, سپورتشى جارىستان شەتتەتىلۋى مۇمكىن.
ەسكە سالا كەتەيىك, 2020 جىلعى توكيو وليمپياداسى كوروناۆيرۋس ينفەكتسياسىنىن تارالۋىنا بايلانىستى 2021 جىلدىڭ 23 شىلدەسى مەن 8 تامىزى ارالىعىنا اۋىستىرىلدى.
