ەكونوميكا • 04 اقپان، 2021

بانكتەر حالىق تالابىن ەسكەرە باستادى

199 رەت كورسەتىلدى

وتاندىق ەكىنشى دەڭگەيلى بانكتەردەگى دەپوزيت جيناعى 2020 جىلى 3،6 ترلن تەڭگەگە جەتىپ، رەكوردتىق كورسەتكىش ورناتتى، دەپ حابارلايدى Egemen.kz.

قازاقستان قارجىگەرلەر قاۋىمداستىعىنىڭ حابارلاۋىنشا، ەل ەكونوميكاسىنىڭ (-2،6 پايىز) تومەندەپ كەتكەنىنە قاراماستان بانك سەكتورىنىڭ اكتيۆتەرى 2020 جىلى 16 پايىزعا ءوسىپ، سوڭعى 5 جىلداعى رەكوردتىق ناتيجەگە جەتكەن. بۇل ورايدا جيىنتىق قارىز پورتفەلى 7،1 پايىزعا كوبەيگەن.    

«اكتيۆتەر ءوسىمىن قارجىلاندىرۋ نەگىزىنەن كليەنتتەر دەپوزيتىن تارتۋدىڭ ارقاسىندا بولدى. ەكونوميكاداعى نەسيە ءوسىمىنىڭ درايۆەرى رەتىندە يپوتەكالىق نەسيەلەندىرۋدى اتايمىز. سالىمشىلاردىڭ جۇيەگە دەگەن سەنىمىنىڭ دە وسكەنى بايقالادى. جەكە تۇلعالار دەپوزيتى 18، زاڭدى تۇلعالار دەپوزيتى 23 پايىزعا ارتقان» دەلىنەدى قاۋىمداستىق حابارلاماسىندا.

بانكتەردىڭ تسيفرلانۋ جۇيەسىنە جىلدام قوسىلىپ، ءوز ماركەتپلەيستەرى مەن ەكوجۇيەلەرىن ىسكە قوسۋى قوسىمشا تابىستىڭ كەلۋىنە سەرپىن بەرگەن.

ء«بىر جاعىنان پاندەميا جاعدايىندا كليەنتتەردىڭ مۇقتاجدىعى مەن ءتارتىبى دە وزگەردى. جاڭا شارتتارعا جاۋاپ بەرۋ ءۇشىن نەسيە مەكەمەلەرى وپەراتسيالىق مودەلدەرىن قايتا قاراپ، تسيفرلىق بايلانىس كانالدارىن قابىلداۋ سالاسىن كەڭەيتە ءتۇستى. ءوز ماركەتپلەيستەرى مەن ەكوجۇيەلەرىن دامىتتى، بۇل بانك قىزمەتىنە دەگەن قولجەتىمدىلىكتى ارتتىردى. قىزمەتتەردى، وپەراتسيالىق پروتسەستەردى جانە ۇيىمداستىرۋشىلىق قۇرىلىمداردى جەدەل تسيفرلاندىرۋ قارجىلىق قوسىلۋدى ىنتالاندىرۋعا، ساپالى قارىز الۋشىلار مەن قوسىمشا پايداعا دەگەن باسەكەلەستىكتىڭ كۇشەيۋى جاعدايىنداعى نارىق ۇلەسىنىڭ ارتۋىنا ىقپال ەتتى» دەپ جازادى قارجىگەرلەر ۇيىمى.

وسىلايشا، ەكىنشى دەڭگەيلى بانكتەر ءداستۇرلى قارجىلىق ونىمدەر (نەسيە، دەپوزيت) ۇسىنۋ شەڭبەرىنەن شىعىپ، حالىق پەن بيزنەستىڭ تالاپ-تىلەكتەرىن ورىنداۋعا باعىتتالعان قىزمەتتەر مەن شەشىمدەردىڭ كەڭ سپەكترىن ۇسىنۋعا كوشتى. 

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

ۇقساس جاڭالىقتار