بۇل تۋرالى ەلدىڭ اقپارات كوزدەرىندە س.جەەنبەكوۆتىڭ ىستانبۋلعا ءبىر كۇن بۇرىن «ماناس» حالىقارالىق اۋەجايىنان ۇشقانى تۋرالى ايتىلعان.
بۇعان ەكس-پرەزيدەنتتىڭ ءباسپاسوز حاتشىسى تولگوناي ستاماليەۆا بۇرىنعى مەملەكەت باسشىسىنىڭ قايدا جانە نەگە ۇشقانىن ايتىپ بەردى. تولگوناي ستاماليەۆانىڭ ايتۋىنشا, سوورونباي جەەنبەكوۆ كىشى قاجىلىق جاساۋ ءۇشىن مەككەگە ۇشىپ كەتكەن.
«ول ايەلىمەن بىرگە تاڭەرتەڭ ىستانبۇلعا ۇشىپ كەتتى. سودان كەيىن دجيدداعا (ساۋد ارابياسى) بارادى», دەيدى بۇرىنعى پرەزيدەنتتىڭ ءباسپاسوز حاتشىسى.
ايتا كەتەيىك, ءباسپاسوز حاتشىسى سوورونباي جەەنبەكوۆ ساپارعا ساۋد ارابياسى كورولىنىڭ شاقىرتۋىمەن شىعادى. ول ساپاردى 2020 جىلدىڭ قاراشاسىنان باستاپ جوسپارلاعان. الايدا پاندەمياعا بايلانىستى قاجىلار ءۇشىن كىرۋ شەكتەۋلى بولعاندىقتان, راسىمگە سايكەس رەسمي شاقىرۋ قاجەت بولدى. سوندىقتان شاقىرتۋ 2021 جىلدىڭ اقپان ايىنىڭ باسىندا كەلىپ ءتۇستى. كىشى قاجىلىق 10 كۇننەن استام ۋاقىتقا جالعاسادى, سودان كەيىن سوورونباي جەەنبەكوۆ بىشكەككە ورالادى.
ەستەرىڭىزگە سالا كەتەيىك, سوورونباي جەەنبەكوۆ 2020 جىلدىڭ 15 قازانىندا جاپپاي تارتىپسىزدىك سالدارىنان وتستاۆكاعا كەتۋگە ءماجبۇر بولعان ەدى.
