ۆيتسە-مينيستر بۇگىندە ەلىمىز بويىنشا بارلىق مەملەكەتتىك ورگان مەن جەكە جانە مەملەكەتتىك كاسىپورىنداردا تسيفرلاندىرۋ ءۇردىسى ءجۇرىپ جاتقانىن ايتتى.
ء«بىلىم جانە عىلىم مينيسترلىگىندە دە بۇل باعىتتا ءبىراز جۇمىس اتقارىلدى, دەگەنمەن توقمەيىلسۋگە بولمايدى. ءبىز 2019 جىلى حالىققا كورسەتىلەتىن مەملەكەتتىك قىزمەتتەردىڭ 76% وڭتايلاندىردىق. 2021 جىلدىڭ سوڭىنا دەيىن ءبىلىم بەرۋ سالاسىنداعى تاعى 9 مەملەكەتتىك قىزمەتتى اۆتوماتتاندىرۋ جوسپاردا بار. ەندىگى كەزەكتە ستۋدەنتتەرگە كورسەتىلەتىن مەملەكەتتىك قىزمەتتەردىڭ بارلىق ءتۇرىن اۆتوماتتاندىرۋدى كوزدەپ وتىرمىز. ياعني, قاجەت قىزمەتتى ستۋدەنتتەر ءوز سمارتفوندارى ارقىلى الاتىن بولادى», دەدى ءمينيستردىڭ ورىنباسارى.
رۇستەم بيعاريدىڭ ايتۋىنشا, قازاقستانداعى جوعارى وقۋ ورىندارىندا ستۋدەنتتەرگە قىزمەت كورسەتۋ ورتالىقتارىنىڭ جۇمىس ىستەپ جاتقانىنا بىرنەشە جىل بولدى. ۋاقىت كورسەتىپ وتىرعانداي, مۇنداي ورتالىقتاردىڭ تيىمدىلىگى از.
«سول سەبەپتى 2021 جىلدىڭ سوڭىنا دەيىن ستۋدەنتتەرگە كورسەتىلەتىن ءبىلىم بەرۋ اياسىنداعى مەملەكەتتىك قىزمەتتەردى اۆتوماتتاندىرۋ بويىنشا جۇمىس ىستەيمىز. مەكتەپتەرگە, كوللەدجدەرگە, جوعارى وقۋ ورىندارىنا قابىلداۋ سياقتى قىزمەتتەر دە كەزەڭ-كەزەڭىمەن تولىعىمەن ەلەكتروندىق فورماتقا كوشىرىلەدى. وسىلايشا, بيىل 1-سىنىپقا قۇجاتتاردى قابىلداۋ تەك ەلەكتروندىق تۇردە جۇزەگە اسىرىلادى. مەملەكەتتىك قىزمەتتەردى اۆتوماتتاندىرۋدىڭ جاعىمدى تۇستارى تەك ءبىلىم الۋشىلار مەن ولاردىڭ اتا-انالارى ءۇشىن عانا ەمەس, سونداي-اق مۇعالىمدەرگە دە قاتىستى بولماق. الەۋمەتتىك جەلىلەردەگى پاراقشاما اتتەستاتتاۋعا قۇجاتتاردى تاپسىرۋ كەزىندە بيۋروكراتياعا تاپ بولعان مۇعالىمدەردەن ۇنەمى حابارلامالار ءتۇسىپ جاتادى. سوندىقتان قازىرگى ۋاقىتتا مۇعالىمدەرىمىزدىڭ بۋما-بۋما قۇجاتتاردى جيناۋعا كەتەتىن ۋاقىتىن زايا جىبەرمەي, كەرىسىنشە, بىلىكتىلىكتەرىن ارتتىرىپ, اتتەستاتتاۋعا دايىندالۋعا مۇمكىندىك بەرۋ ماقساتىندا جۇمىس ىستەپ جاتىرمىز», دەيدى رۇستەم بيعاري.
وسى رەتتە الدىعا قويعان مىندەتتەردىڭ قالاي جۇزەگە اسىرىلاتىنى تۋرالى ناقتىلاپ ءوتتى.
1.مۇعالىم ءوز پورتفوليوسىن ۇلتتىق ءبىلىم بەرۋ دەرەكقورىنا (نوبد) جۇكتەيدى;
2. ەلەكتروندى فورماتتاعى پورتفوليونى بارلىق قاجەتتى اقپاراتپەن تولىقتىرادى;
3. تەستىلەۋگە دايىندىق ۇلتتىق بىلىكتىلىك تەستىلەۋىنە قاتىسۋ ءۇشىن وتىنىشتەردى قابىلداۋ تەستىلەۋ بىلىكتىلىك ساناتىن تاعايىنداۋ ءراسىمىن وتكىزۋ بويىنشا اتتەستاتتاۋ كوميسسياسىنىڭ جۇمىسى بىلىكتىلىك ساناتىن بەرۋ جالاقىعا ۇستەمەاقى!
«ياعني, ءبىز مۇعالىمدەر ءۇشىن اتتەستاتتاۋدىڭ ەكىنشى كەزەڭىن جەڭىلدەتكىمىز كەلەدى. ويتكەنى ەكىنشى كەزەڭگە وتكەن مۇعالىمدەر ءبىلىم بولىمدەرى مەن باسقارمالارىنىڭ كەڭسەسىنە, «ازاماتتارعا ارنالعان ۇكىمەت» نەمەسە egov.kz ارقىلى قاعاز نە ەلەكتروندى نۇسقادا قۇجاتتار توپتاماسىن تاپسىرادى. وسى ورايدا ءبىز ءبىلىم بەرۋ سالاسىندا حالىققا كورسەتىلەتىن بارلىق مەملەكەتتىك قىزمەتتى وڭتايلاندىرۋعا نيەتتىمىز», دەدى بىلىم جانە عىلىم ۆيتسە-ءمينيسترى.
