اسحات ورالوۆ تۇركىستان, سولتۇستىك قازاقستان, باتىس قازاقستان, ماڭعىستاۋ, قاراعاندى, اقمولا, قوستاناي وبلىستارى جاستار وكىلدەرىنىڭ سۇراقتارىنا جاۋاپ بەردى.
كەلىپ تۇسكەن وتىنىشتەردىڭ باسىم كوپشىلىگى جاس وتباسىلاردى, اسىرەسە اۋىلدىق جەرلەردە تۇراتىن جاستاردى قول جەتىمدى تۇرعىن ۇيمەن قامتاماسىز ەتۋ, سونداي-اق جاستار كاسىپكەرلىگىن دامىتۋ باعدارلامالارىنا جانە NEET ساناتىنداعى جاستاردىڭ ۇلەسىن ازايتۋ ءۇشىن مەملەكەت تاراپىنان جاسالىپ وتىرعان شارالارعا قاتىستى بولدى. بۇدان بولەك, جاستار رەسۋرستىق ورتالىقتارىنىڭ قىزمەتىن جەتىلدىرۋ, ۆولونتەرلىكتى دامىتۋ, ەكولوگيالىق جوبالار جانە جاس عالىمداردى قولداۋ ماسەلەلەرى دە كوتەرىلدى.
ا.ورالوۆ جاستار مەن قوعام وكىلدەرىنەن ۋاقتىلى كەرى بايلانىس الۋعا مۇمكىندىك بەرەتىن وسىنداي ونلاين كەزدەسۋلەردى ۇنەمى وتكىزۋ ماڭىزدى ەكەندىگىن اتاپ ءوتتى.
