بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ Telegram كانالىنان ءمالىم بولدى.
لاۋرا ۇمىتبەكقزى سادىقوۆا قاراعاندى وبلىسىندا دۇنيەگە كەلگەن. ءبىلىمى: اقش-تىڭ ميچيگان مەملەكەتتىك ۋنيۆەرسيتەتىندە عىلىمي تاعىلىمدامان وتكەن, «بولاشاق» پرەزيدەنتتىك باعدارلاماسىنىڭ ستيپەندياتى, قاراعاندىداعى «بولاشاق» وزەكتى ءبىلىم بەرۋ ۋنيۆەرسيتەتىندە, ك.ا. تيميريازەۆ اتىنداعى ماسكەۋ اۋىل شارۋاشىلىق اكادەمياسىن بىتىرگەن.
1996-2001 جىلدارى قر ءبىلىم جانە عىلىم مينيسترلىگىنىڭ قازاق تاماق ونەركاسىبى عىلىمي-زەرتتەۋ ينستيتۋتىندا عىلىمي قىزمەتكەر جانە اعا عىلىمي قىزمەتكەر بولدى. 2001-2002 جىلدارى قر ءبىلىم جانە عىلىم مينيسترلىگى عىلىم دەپارتامەنتى عىلىمي-تەحنيكالىق باعدارلامالار جانە اقپاراتتىق ينفراقۇرىلىم باسقارماسىنىڭ باس مامانى قىزمەتىن اتقاردى. 2002-2008 جىلدارى قر اۋىل شارۋاشىلىعى مينيسترلىگىنىڭ اوك دامىتۋ ستراتەگياسى, عىلىم دەپارتامەنتتەرىنىڭ باس ساراپشىسى, ءبولىم باستىعى, باسقارما باستىعى بولدى.
2008-2009 جىلدارى قر اۋىل شارۋاشىلىعى مينيسترلىگىنىڭ قايتا وڭدەۋ ونەركاسىبى جانە دسۇ دەپارتامەنتى ديرەكتورىنىڭ ورىنباسارى بولدى. 2009-2011 جىلدارى قر اۋىل شارۋاشىلىعى مينيسترلىگىنىڭ «قازاگرويننوۆاتسيا» اق باسقارما توراعاسىنىڭ ورىنباسارى بولدى. 2011-2014 جىلدارى س. سەيفۋللين اتىناعى «قازاق اگروتەحنيكالىق ۋنيۆەرسيتەتى» اق باسقارما توراعاسىنىڭ ورىنباسارى - عىلىم جانە ينۆەستيتسيالار جونىندەگى پرورەكتورى بولدى.
2015-2019 جىلدارى قر ينۆەستيتسيالار جانە دامۋ مينيسترلىگىنىڭ تەحنولوگيالىق جانە يننوۆاتسيالىق دامۋ دەپارتامەنتى ديرەكتورىنىڭ ورىنباسارى قىزمەتىن اتقاردى. 2019 جىلى قر يندۋستريا جانە ينفراقۇرىلىمدىق دامۋ مينيسترلىگىنىڭ يننوۆاتسيالىق دامۋ دەپارتامەنتى ديرەكتورىنىڭ ورىنباسارى قىزمەتىن اتقاردى.
2019-2020 جىلدارى قر يندۋستريا جانە ينفراقۇرىلىمدىق دامۋ مينيسترلىگىنىڭ تسيفرلىق ترانسفورماتسيا دەپارتامەنتى ديرەكتورىنىڭ ورىنباسارى بولدى. 2020-2021 جىلدارى قر يندۋستريا جانە ينفراقۇرىلىمدىق دامۋ مينيسترلىگىنىڭ جوبالىق باسقارۋ دەپارتامەنتى ديرەكتورىنىڭ ورىنباسارى, ديرەكتورى بولدى. قازاق, ورىس جانە اعىلشىن تىلدەرىن مەڭگەرگەن وتباسىلى, ءتورت بالاسى بار.
