الدىن الا بەلگىلى بولعانداي, ءىس بويىنشا وبلىستىق ءبىلىم باسقارماسىنىڭ باسشىسى مايگۇل وماروۆا, وسى باسقارمانىڭ مەملەكەتتىك ساتىپ الۋ ءبولىمىنىڭ باس مامانى باقىت قابدولدانوۆا جانە ايماقتىق ءبىلىم سالاسىنداعى جاڭا تەحنولوگيالار عىلىمي-پراكتيكالىق ورتالىعىنىڭ ديرەكتورى اراپبي مەڭلىباەۆ قاماۋعا الىنعان.
كۇدىكتىلەرگە اسا ءىرى كولەمدە پارا الدى دەگەن ايىپ تاعىلىپ وتىر ەكەن. ءمالىم بولعان دەرەك بويىنشا, سىبايلاسقان توپ وبلىستىق بيۋدجەت قارجىسىنا كومپيۋتەرلىك تەحنيكا ساتىپ الۋ كەزىندە جەكە كاسىپكەردەن 37 650 000 تەڭگە سىياقى تالاپ ەتىپ, ونىڭ ءبىر بولىگىن قولما-قول اقشا تۇرىندە الىپ جاتقان كەزىندە ۇستالعان.
