«اۋداندا يندۋستريالاندىرۋ كارتاسى اياسىندا بىرنەشە جوبانى ىسكە قوسۋ جوسپارلاندى. سونىڭ ىشىندە بيىل جۇزەگە اساتىن «Meken Chiken» جشس-ءنىڭ «برويلەرلىك قۇس ەتىن ءوندىرۋ كەشەنىن سالۋ» جوباسى دا بار. جوبانىڭ قۇنى – 5,9 ملرد تەڭگە. بۇل جوبا ىسكە قوسىلعاندا 79 ادام جۇمىسپەن قامتىلادى. ال, «جۋماعاليەۆا» شارۋا قوجالىعى جىلىجاي جوباسىن ىسكە قوسقالى وتىر. جىلىجاي جوباسىنىڭ قۇنى 1,2 ملرد تەڭگەنى قۇرايدى. جاڭا جىلىجايدا 40 ادام جۇمىسقا تارتىلاتىن كوزدەلگەن. قازىر جىلىجايدىڭ قۇرىلىسى باستالدى. وعان 16 گەكتار جەر ۋچاسكەسى ءبولىندى», دەدى مۇقاش زۇلحارناي.
ونىڭ ايتۋىنشا, بىلتىر ماحامبەت اۋدانىندا يندۋستريالاندىرۋ كارتاسى اياسىندا ءتورت جوبا ىسكە قوسىلعان. ونىڭ ۇشەۋى ء«بىرىنشى مامىر» جشس-نە تيەسىلى بولىپ وتىر. بۇل سەرىكتەستىكتە ءسۇت ءوندىرۋ زاۋىتى, بيوگۋمۋس ءوندىرۋ كەشەنى مەن ءسۇت وڭدەۋ فەرماسىن كەڭەيتۋ جوبالارى جۇمىس ىستەي باستادى. سونداي-اق, «سارايشىق اتش» جشس ەشكى ءسۇتىن ءوندىرۋ فەرماسىن اشتى. اتالعان جوبالاردا اشىلعان جۇمىس ورىندارىنا 125 ادام تارتىلدى.
