جيىنعا قر مادەنيەت جانە سپورت ۆيتسە-ءمينيسترى ساكەن جۇنىسبەك ۇلى مۇسايبەكوۆ پەن قازاقستان دزيۋدو فەدەراتسياسىنىڭ پرەزيدەنتى قايرات پەرنەش ۇلى قوجامجاروۆ جانە «نۇر-سۇلتان» ودو» ديرەكتورىنىنىڭ مىندەتىن اتقارۋشى قىپشاقباەۆ مۇراتبەك سۇلتانبەك ۇلى قاتىستى.
قايرات پەرنەش ۇلىنىڭ العىسوزىنەن كەيىن جاس دزيۋدو شەبەرلەرى جاتتىقتىرۋشى سەرگەي پاكتىڭ باسشىلىعىمەن از ۋاقىت ارالىعىندا يگەرگەن ونەرلەرىن كورسەتتى.
جاپون جەكپە-جەگىنە دەگەن قىزىعۋشىلىق وتە جوعارى. وسىنى ەسكەرگەن وليمپيادالىق دايارلاۋ ورتالىعىنىڭ باسشىلىعى ونىڭ اۋقىمىن كەڭەيتىپ, بارلىق قاتىسۋشىعا جايلى جاعداي جاساۋعا تىرىستى. قازىر نەگىزگى زالدىڭ كولەمى 410,4 شارشى مەتردى قۇرايدى. بۇل ءبىر مەزەتتە 100 ادامنىڭ ەمىن-ەركىن دايىندالۋىنا مۇمكىندىك بەرەدى. ال, ورتالىقتىڭ جالپى اۋماعى 721,2 شارشى مەتردى الىپ جاتىر. بۇل جەرگە كيىم اۋىستىراتىن جانە باسقا دا بولىمدەر كىرەدى.
ايتا كەتەيىك, «سارىارقا» ۆەلوترەگى جانىنداعى دزيۋدو ورتالىعى 2020 جىلدىڭ قاراشاسىنان جۇمىس ىستەپ كەلەدى. قازىر وندا 120-دان اسا ادام جاتتىعىپ ءجۇر. قازىر دايىندىق جۇمىستارى اپتاسىنا 6 كۇن وتەدى. 2 باپكەر بار. سانيتارلىق تالاپتار قاتاڭ ساقتالعان.
