ICAP ورتالىعى – اقش, نيۋ-يورك قالاسىندا ورنالاسقان كولۋمبيا ۋنيۆەرسيتەتىندەگى قوعامدىق دەنساۋلىق ساقتاۋ مەكتەبىنىڭ قۇرامىنا كىرەدى. ورتالىقتىڭ باستى ماقساتى – جانۇيالار مەن قوعامداستىقتاردىڭ دەنساۋلىعىن جاقسارتۋ. بۇگىنگى تاڭدا ICAP – الەمنىڭ 30-دان استام ەلدەرىنىڭ دەنساۋلىق ساقتاۋ مينيسترلىكتەرىنە دەنساۋلىق ساقتاۋ جۇيەسىن نىعايتۋ, ونىڭ ىشىندە مەديتسينا قىزمەتكەرلەرىن وقىتۋ, دەنساۋلىق ساقتاۋ سالاسىندا يننوۆاتسيالىق تاسىلدەردى ازىرلەۋ جانە ەنگىزۋ بويىنشا كونسۋلتاتسيالىق-ادىستەمەلىك كومەك كورسەتەتىن جانە اۋقىمدى عىلىمي جوبالاردى جۇزەگە اسىراتىن ءىرى حالىقارالىق ۇيىمداردىڭ ءبىرى.
«مەموراندۋمعا قول قويۋ – COVID-19 ەپيدەمياسىنا قارسى ءىس-قيمىل بويىنشا دەنساۋلىق ساقتاۋ مينيسترلىگىنە كەڭەس مەن پراكتيكالىق كومەك كورسەتۋگە جانە قازاقستانداعى مەديتسينالىق ۇيىمداردا ينفەكتسيالاردىڭ الدىن الۋ مەن ينفەكتسيالىق باقىلاۋ جۇيەسىن جاقسارتۋعا باعىتتالعان جوبانى ىسكە اسىرۋداعى ماڭىزدى قادام» – دەيدى كومپانيا وكىلى لەيلا ايتمۇحانوۆا. «بىراق بۇل ءبىزدىڭ بىرلەسكەن العاشقى جوبامىز ەمەس. وتكەن جىلى ءبىز تاجىريبە الماسۋ ءۇشىن قىتايدان دارىگەرلەردىڭ كەلۋىنە قولداۋ كورسەتتىك, مەديتسينا قىزمەتكەرلەرىنە ترەنينگتەر ۇيىمداستىردىق, سونداي-اق COVID-19 اۋرۋىن ەمدەۋ ءۇشىن قاجەتتى ءدارى-دارمەكتەر مەن جەكە قورعانىس قۇرالدارىن ساتىپ الۋدى جانە جەتكىزۋدى ۇيىمداستىردىق».
قول قويىلعان مەموراندۋم شەڭبەرىندە جۇماتوۆ اتىنداعى گيگيەنا جانە ەپيدەميولوگيا عىلىمي ورتالىعى نەگىزىندە قۇرىلعان مەديتسينالىق كومەككە بايلانىستى ينفەكتسيالاردىڭ الدىن-الۋ جانە ينفەكتسيالىق باقىلاۋ جونىندەگى ۇيلەستىرۋ ورتالىعىنىڭ الەۋەتىن كۇشەيتۋ بويىنشا شارالار مەن قوسىمشا قارجىلاندىرۋ كوزدەلىپ وتىر.
سونىمەن قاتار, قدسۇو نەگىزىندە ينفەكتسيالىق باقىلاۋ بويىنشا كونسۋلتاتيۆتىك كەڭەس قۇرىلادى, جانە ەلدىڭ بارلىق 17 ايماعىنداعى ءار ءتۇرلى دەڭگەيدەگى مەديتسينالىق ۇيىمداردا ينفەكتسيالىق باقىلاۋ جۇيەسىنىڭ نەگىزگى كومپونەنتتەرىنىڭ قازىرگى جاعدايى انىقتالىپ, باعالانادى. باعالاۋ ناتيجەسى بويىنشا كوپجاقتى پىكىرتالاس وتكىزىلىپ, قازاقستانداعى ينفەكتسيالىق باقىلاۋ باعدارلامالارىن باقىلاۋ جۇيەسىنىڭ تيىمدىلىگىن ارتتىرۋ بويىنشا ۇسىنىستار ازىرلەنەدى.
سونداي-اق مەديتسينالىق كومەك كورسەتۋگە بايلانىستى ينفەكتسيالارعا باقىلاۋ جۇرگىزەتىن اقپاراتتىق جۇيەنى ازىرلەۋ جانە ەنگىزۋ جوسپارلانۋدا. پراكتيكالىق دەنساۋلىق ساقتاۋ جۇيەسىنە كومەك كورسەتۋ ءۇشىن, قدسۇو جانە ICAP بىرلەسىپ, دۇنيەجۇزىلىك دەنساۋلىق ساقتاۋ ۇيىمىنىڭ ماتەريالدارى مەن قازاقستان رەسپۋبليكاسىنىڭ نورماتيۆتىك-قۇقىقتىق تالاپتارى نەگىزىندە مەديتسينالىق قىزمەتكەرلەر مەن مەديتسينالىق ۇيىمداردىڭ باسشىلارىن ينفەكتسيالاردىڭ الدىن الۋ جانە باقىلاۋ بويىنشا وقىتۋدى جوسپارلاپ وتىر. وقىتۋ سەرتيفيكاتتارى قدسۇو اتىنان بەرىلەدى.
جوبانى ىسكە اسىرۋ ناتيجەسىندە مەديتسينالىق ۇيىمداردا ينفەكتسيالىق باقىلاۋ باعدارلاماسىنىڭ بارلىق بولىكتەرى جەتىلدىرىلەدى جانە قدسۇو-نىڭ ينفەكتسيانىڭ الدىن الۋ جانە باقىلاۋ شارالارىن ۇيلەستىرۋ الەۋەتى ارتتىرىلادى. ءوز كەزەگىندە, بۇل قازاقستان رەسپۋبليكاسىنىڭ جۇقپالى اۋرۋلارمەن كۇرەستە تۋىندايتىن زاماناۋي قيىنشىلىقتارىنا دايىندىعىن كۇشەيتەدى.
الماتى
