جيىن ساپار بايجانوۆتىڭ ونەگەلى ءومىرى تۋرالى ەستەلىكتەرمەن باستالدى. قازاقستان جازۋشىلار جانە جۋرناليستەر وداعى, شەتەلدىك عالىمدار, رەسپۋبليكالىق باق باسشىلارى مەن بەلگىلى جۋرناليستەر, قوعام جانە مەملەكەت قايراتكەرلەرى, زيالى قاۋىم وكىلدەرى جازۋشىنىڭ ادەبي-رۋحاني مۇراسىمەن قاتار, قوعامداعى قايراتكەرلىگى حاقىندا دا ويلارىمەن ءبولىستى. ال قالامگەر تۋرالى زامانداستارىنىڭ «قازاق جۋرناليستيكاسىنىڭ قارا جورعاسى, قارىمدى قالامگەر, بىلگىر عالىم» دەپ بەرگەن باعاسى وسى جيىننىڭ مازمۇنىن تولىقتىرا تۇسكەندەي.
جازۋشىنىڭ كوزىن كورگەن, قىزمەتتەس بولعان اقىن, قوعام قايراتكەرى نۇرلان ورازالين س.بايجانوۆتىڭ جۋرناليستيكاعا ارناعان سانالى عۇمىرى جايلى اسەرلى ەستەلىگىمەن ءبولىستى. باس رەداكتور, قالامى جۇيرىك جۋرناليست, عالىم ساپار بايجانوۆ ەلىمىزدىڭ اعا باسىلىمى «سوتسياليستىك قازاقستان» – «ەگەمەن قازاقستان» گازەتىنە ۇزاق جىلدار باسشىلىق جاساپ, مادەني جانە الەۋمەتتىك دامۋىمىزعا سۇبەلى ۇلەس قوسقانى بەلگىلى. ساپار بايجانوۆتىڭ وقىرمانداردىڭ ىستىق ىقىلاسىنا بولەنگەن «زامانداس تۋرالى تولعاۋ», «ارحيۆ-ايعاق», «اباي جانە ارحيۆ», «قاجىعا بارعان قازاقتار» سىندى زەرتتەۋلەرى عىلىمي ورتاعا جاقسى تانىس. قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن 1952 جىلى بىتىرگەننەن كەيىنگى ەڭبەك جولىن ەلىمىزدەگى ءباسپاسوز سالاسىندا جالعاسىرىپ, وسى سالادا جەمىستى ەڭبەك ەتكەنى, «لەنينشىل جاس» گازەتىنىڭ ادەبي قىزمەتكەرى, جۇمىسشى جاستار ءبولىمىنىڭ مەڭگەرۋشىسى, رەداكتوردىڭ ورىنباسارى, «مادەنيەت جانە تۇرمىس» جۋرنالىنىڭ جاۋاپتى حاتشىلىعىنان باس رەداكتورعا دەيىنگى ەڭبەك جولى, ودان كەيىن قازاقستان كومپارتياسى ورتالىق كوميتەتىنىڭ اپپاراتىنداعى جاۋاپتى قىزمەتى تۋرالى ەستەلىكتەر قالامگەر بولمىسىن سيپاتتاپ قانا قويماي, قايراتكەرلىگى حاقىنداعى ويلارمەن جالعاسىن تاپتى.
«سوتسياليستىك قازاقستان», قازىرگى «ەگەمەن قازاقستان» گازەتىنىڭ باس رەداكتورى بولىپ ەڭبەك ەتكەن ون جىلعا جۋىق ۋاقىت ىشىندە ەلىمىزدىڭ بارلىق وڭىرلەرىنەن قالامى قارىمدى جۋرناليستەردى جيناپ, ولاردى قالامىنا قاراپ تانيتىن كورەگەندىلىگى حاقىنداعىحاقىنداعى ەستەلىكتەر دە س.بايجانوۆتىڭ قايراتكەرلىگى, اعالىق قاسيەتتەرىنىڭ مازمۇنىن اشا تۇسەدى. قازاقستاننىڭ ەڭبەك سىڭىرگەن قايراتكەرى, «حالىقتار دوستىعى», «قۇرمەت بەلگىسى» وردەندەرىنىڭ يەگەرى ساپار بايجانوۆتىڭ ىزگىلىكتى ىستەرى جايىندا جارىققا شىققان «ومىرگە وكپەسى جوق ادام» ەستەلىكتەر جيناعى وسىعان دالەل بولسا كەرەك-ءتى.
جيىن بارىسىندا قالامگەردىڭ باس مۇراعات باسقارماسىنىڭ باسشىلىعىنداعى قىزمەتىنە توقتالعان «قازاقستان مەديا اليانسى» قوعامدىق بىرلەستىگىنىڭ توراعاسى نۇرتورە ءجۇسىپ قايراتكەردىڭ رۋحاني بايلىعىمىزدى دامىتۋعا سىڭىرگەن ولشەۋسىز ەڭبەكتەرىن اتاپ ءوتتى. «سوتسياليستىك قازاقستان» گازەتىنىڭ باس رەداكتورى رەتىندە ايلەدەرگە ارنالعان ارنايى بەت اشىپ, «قالامقاس» قوسىمشاسىن شىعارعان كەزەڭدى ەرەكشە ىقىلاسپەن ەسكە العان جۋرناليست ساۋلە ابىشقىزى باس رەداكتور ساپار بايجانوۆتىڭ قازاق جۋرناليستەرىنىڭ الەۋمەتتىك ماسەلەلەرىن ۇنەمى نازاردا ۇستاپ, باسپانالى بولۋىنا بارىنشا قولداۋ كورسەتكەن ازاماتتىعى جايىندا اڭگىمەلەدى. جۋرناليستيكا فاكۋلتەتىنىڭ دەكانى ساعاتبەك مەدەۋبەك ۇستازدىڭ بويىنداعى كىشىپەيىلدىك مىنەزى مەن بولمىسى, ونەگە الار كىسىلىگى جايىنداعى ەستەلىكتەرىمەن كوپشىلىكتىڭ نازارىن اۋدارسا, ءباسپاسوز جانە ەلەكتروندى باق كافەدراسىنىڭ مەڭگەرۋشىسى گۇلميرا سەرىكبايقىزى جازۋشى, جۋرناليست, پۋبليتسيست ساپار بايجانوۆ شىعارماشىلىعى حاقىنداعى كونفەرەنتسياسىن ۇيىمداستىرۋ داستۇرگە اينالعاندىعىن اتاپ ءوتىپ, قالامگەر تۋىندىلارىن جاڭا كوزقاراسپەن زەرتتەپ, رۋحاني مۇرالارىن ساقتايتىن عىلىمي ورتا قالىپتاستىرۋ قاجەتتىگىن ۇسىندى. ال ن. گۋميلەۆ اتىنداعى ەۋرازيا ۇلتىق ۋنيۆەرسيتەتى ءباسپاسوز جانە باسپا ءىسى كافەدراسىنىڭ دوتسەنتى عاليا اقسەيىت «ساپار بايجانوۆ پۋبليتسيستيكاسىنىڭ ەرەكشەلىكتەرى» تاقىرىبىندا بايانداما جاساپ, ءوز ويلارىمەن ءبولىستى. بۇگىندە جازۋشىنىڭ قالامىنان شىققان پۋبليتسيستيكالىق شىعارمالارى, ەڭ العاش جارىق كورگەن كىتاپتارىنىڭ ءبىرى ء«ۇش قيان - ءۇش داڭعىل», شەتەلدەگى ءىسساپار وچەركتەرى ەنگەن «ەر ەڭسەلى ەل», تاعى دا باسقا كىتاپتارى جۋرناليستيكا فاكۋلتەتىنىڭ ستۋدەنتتەرى ءۇشىن تانىمدىق ءمانى بار وقۋلىققا اينالعان.
قالامگەردىڭ وسىنداي سۇرانىسقا يە كوپتەگەن تۋىندىلارى كونفەرەنتسيا بارىسىندا ۇيىمداستىرىلعان كورمەگە قويىلدى.
جيىن بارىسىندا قالامگەردىڭ باس مۇراعات باسقارماسىنىڭ باسشىلىعىنداعى قىزمەتىنە توقتالعان «قازاقستان مەديا اليانسى» قوعامدىق بىرلەستىگىنىڭ توراعاسى نۇرتورە ءجۇسىپ قايراتكەردىڭ رۋحاني بايلىعىمىزدى دامىتۋعا سىڭىرگەن ولشەۋسىز ەڭبەكتەرىن اتاپ ءوتتى. «سوتسياليستىك قازاقستان» گازەتىنىڭ باس رەداكتورى رەتىندە ايلەدەرگە ارنالعان ارنايى بەت اشىپ, «قالامقاس» قوسىمشاسىن شىعارعان كەزەڭدى ەرەكشە ىقىلاسپەن ەسكە العان جۋرناليست ساۋلە ابىشقىزى باس رەداكتور ساپار بايجانوۆتىڭ قازاق جۋرناليستەرىنىڭ الەۋمەتتىك ماسەلەلەرىن ۇنەمى نازاردا ۇستاپ, باسپانالى بولۋىنا بارىنشا قولداۋ كورسەتكەن ازاماتتىعى جايىندا اڭگىمەلەدى. جۋرناليستيكا فاكۋلتەتىنىڭ دەكانى ساعاتبەك مەدەۋبەك ۇستازدىڭ بويىنداعى كىشىپەيىلدىك مىنەزى مەن بولمىسى, ونەگە الار كىسىلىگى جايىنداعى ەستەلىكتەرىمەن كوپشىلىكتىڭ نازارىن اۋدارسا, ءباسپاسوز جانە ەلەكتروندى باق كافەدراسىنىڭ مەڭگەرۋشىسى گۇلميرا سەرىكبايقىزى جازۋشى, جۋرناليست, پۋبليتسيست ساپار بايجانوۆ شىعارماشىلىعى حاقىنداعى كونفەرەنتسياسىن ۇيىمداستىرۋ داستۇرگە اينالعاندىعىن اتاپ ءوتىپ, قالامگەر تۋىندىلارىن جاڭا كوزقاراسپەن زەرتتەپ, رۋحاني مۇرالارىن ساقتايتىن عىلىمي ورتا قالىپتاستىرۋ قاجەتتىگىن ۇسىندى. ال ن. گۋميلەۆ اتىنداعى ەۋرازيا ۇلتىق ۋنيۆەرسيتەتى ءباسپاسوز جانە باسپا ءىسى كافەدراسىنىڭ دوتسەنتى عاليا اقسەيىت «ساپار بايجانوۆ پۋبليتسيستيكاسىنىڭ ەرەكشەلىكتەرى» تاقىرىبىندا بايانداما جاساپ, ءوز ويلارىمەن ءبولىستى. بۇگىندە جازۋشىنىڭ قالامىنان شىققان پۋبليتسيستيكالىق شىعارمالارى, ەڭ العاش جارىق كورگەن كىتاپتارىنىڭ ءبىرى ء«ۇش قيان - ءۇش داڭعىل», شەتەلدەگى ءىسساپار وچەركتەرى ەنگەن «ەر ەڭسەلى ەل», تاعى دا باسقا كىتاپتارى جۋرناليستيكا فاكۋلتەتىنىڭ ستۋدەنتتەرى ءۇشىن تانىمدىق ءمانى بار وقۋلىققا اينالعان. قالامگەردىڭ وسىنداي سۇرانىسقا يە كوپتەگەن تۋىندىلارى كونفەرەنتسيا بارىسىندا ۇيىمداستىرىلعان كورمەگە قويىلدى.
