"بۇگىندە اتالعان مەملەكەتتىك باعدارلامانى ۇلتتىق جوباعا اينالدىرۋ جۇمىستارى جۇرگىزىلۋدە. ونىڭ التى نەگىزگى باعىت انىقتالدى", - دەدى مينيستر.
ءبىرىنشىسى, سۋ ديپلوماتياسىن نىعايتۋ ءۇشىن مەملەكەتارالىق سۋ قاتىناستارىن جەتىلدىرۋ.
ەكىنشىسى, سۋ رەسۋرستارىن تسيفرلاندىرۋ,ەسەپكە الۋ جانە مونيتورينگىلەۋ. ناتيجەسىندە ءجۇز ون توعىز (119) سۋ ارناسىندا تسيفرلاندىرۋ جۇمىستارى جۇرگىزىلەدى. سونىمەن قاتار, وزەن اعىنىنىڭ رەسۋرستارىن ايقىنداۋدىڭ اقپاراتتىق جۇيەسى قۇرىلادى جانە ت. ب.
ءۇشىنشىسى, سۋدى ۇنەمدەۋ.ناتيجەسىندە زاماناۋي سۋ ۇنەمدەگىش تەحنولوگيالار قولدانىلاتىن سۋارمالى جەردىڭ كولەمى ەكى ءجۇز جيىرما ءبىر (221) مىڭ گەكتاردان ءتورت ءجۇز جيىرما مىڭ (420) گەكتارعا دەيىن ۇلعايادى.
ءتورتىنشىسى, يرريگاتسيالىق جۇيەلەر مەن قۇرىلىستاردى قالپىنا كەلتىرۋ, جاڭا سۋ قويمالارىن سالۋ. ناتيجەسىندە شامامەن ەكى مىڭ (2000) كيلومەتر ماگيسترالدىق ارنالار رەكونسترۋكتسيالانادى. ودان بولەك جالپى كولەمى سەگىز ءجۇز سەكسەن بەس ميلليون تەكشە مەتر (885 ملن. م3) بولاتىن جامبىل (3), باتىس-قازاقستان(2), تۇركىستان (1), الماتى (1) جانە قىزىلوردا وبلىستارىندا سەگىز (8) جاڭا سۋ قويماسى سالىنادى. ال 2025-2030 جىلدار ىشىندە تاعى وتىز ءبىر (31) سۋ قويماسى سالىناتىن بولادى.
بەسىنشىسى, قۇقىقتىق بازانى جاڭارتۋ. وسى جۇمىستىڭ اياسىندا جاڭا رەداكتسياداعى سۋ كودەكسى ازىرلەنەدى.
التىنشىسى, سۋ سالاسىنىڭ ماماندارىن قازىرگى زامانعى داعدىلارمەن دايارلاۋ جانە عىلىمي قامتاماسىز ەتۋ.
ماعزۇم مىرزاعاليەۆ "جاسىل قازاقستان" ۇلتتىق جوباسىنا دا توقتالىپ ءوتتى.
"جاسىل قازاقستان" ۇلتتىق جوباسى جەتى نەگىزگى بولىمنەن تۇرادى: سۋ نىساندارىن ساۋىقتىرۋ, اۋانىڭ لاستانۋ دەڭگەيىن تومەندەتۋ, قالدىقتاردى باسقارۋ, بيوالۋانتۇرلىلىكتى ساقتاۋ, ەلدى كوگالداندىرۋ, ەنەرگيا تيىمدىلىگى, ەكولوگيالىق ءبىلىم جانە ەكولوگيالىق مادەنيەتتى ارتتىرۋ. بۇل اۋانىڭ لاستانۋ دەڭگەيى جوعارى 10 قالا - تەمىرتاۋ, نۇر-سۇلتان, الماتى, اقتوبە, اتىراۋ, وسكەمەن, قاراعاندى, بالقاش, جەزقازعان, شىمكەنت قالالارىنداعى جاعدايدى جاقسارتۋعا مۇمكىندىك بەرەدى. بۇدان باسقا, 2025 جىلعا قاراي سارقىندى سۋلاردى اعىزۋ كولەمىن تومەندەتۋگە قول جەتكىزۋدى, قالدىقتاردى قايتا وڭدەۋ ۇلەسىن اعىمداعى ون سەگىز پايىزدان (18%) وتىز بەس پايىزعا (35%) دەيىن ارتتىرۋدى, سونداي-اق ەلدىڭ جالپى ىشكى ءونىمىنىڭ(ۆۆپ) ەنەرگيا سىيىمدىلىعىن ازايتۋدى جوسپارلاپ وتىرمىز", - دەيدى ول.
ەكى ۇلتتىق جوبانى ازىرلەۋ جانە بەكىتۋ جۇمىستارى اعىمداعى جىلدىڭ ءبىرىنشى (1) شىلدەسىنە قاراي اياقتالادى.
ورمان قورىنداەكى (2) ملرد. اعاش وتىرعىزۋ بويىنشا جۇرگىزىلەتىن جۇمىستاردىڭ تيىمدىلىگى بارىسىنا قوعامدىق مونيتورينگتى جۇزەگە اسىرۋ ماقساتىندا, ەكولوگيا مينيسترلىگىنىڭ قولدانىستاعى گەوپورتالىنىڭ نەگىزىندە ينتەراكتيۆتى كارتا قۇرۋ ۇسىنىلادى.
قازىر وسى گەوپورتالدا ورمان ورتتەرى مەن زاڭسىز اعاش كەسۋ مونيتورينگى ونلاين رەجيمدە جۇزەگە اسىرىلۋدا. گەوپورتال «عارىش ساپارى» كومپانياسىمەن بىرلەسىپ پىسىقتالاتىن بولادى.
كارتادا جىلدار بويىنشا ءوڭىر-وڭىرگە بولىنگەن اعاش وتىرعىزۋ جوسپارلارى كورسەتىلەدى.
