وكرۋگ اكىمى مولدابەك بيتەمىروۆتىڭ حابارلاۋىنشا, قىزىلشانىڭ «پاۆلو», «بورو», «ۆودان F1» اتتى تۇقىمدارى شەتەلدەن اكەلىنگەن.
قازىرگى تاڭدا ديقاندار 10 گەكتارعا تۇقىم ەگىپ ۇلگەرگەن. ەكى جارىم ايدان كەيىن ءونىم بەرە باستايتىن كوكونىستىڭ بۇل تۇرىنەن گەكتارىنا 25-30 توننا ءونىم الۋعا بولادى ەكەن. بىلتىر ەرتە كوكتەمدە ءونىم العان اۋىل ديقاندارى الماتى, نۇر-ءسۇلتان, قاراعاندى قالالارىنا جانە رەسەي مەملەكەتىنە قىزىلشا ءونىمىن ساتىپ, مول تابىس تاپقان. «قىزىلشا ەگىلەتىن جەر وتە قۇنارلى بولۋى ءتيىس. ول ءۇشىن سەليترا, امموفوس, مالدىڭ قيلارى ارقىلى جەر تىڭايتىلادى.
اگروتەحنيكالىق شارالاردىڭ باسىم بولىگى قول كۇشىمەن ىستەلەتىندىكتەن, قىزىلشا ەگۋ قاجىرلى ەڭبەكتى قاجەت ەتەدى. دەگەنمەن ۇلكەن ەڭبەكتىڭ سوڭى قوماقتى تابىسقا الىپ كەلەدى», دەيدى م.بيتەمىروۆ.
جالپى ا.قالىبەكوۆ اۋىلدىق وكرۋگىندە 4632 گەكتار ەگىستىك جەر بار. باقشا ونىمدەرىن وندىرۋمەن تانىمال بولعان وكرۋگ بىلتىر 200 مىڭ تونناعا جۋىق قاۋىن-قاربىز ونىمدەرىن ەكسپورتقا شىعارعان.
