ايماقتار • 01 اقپان، 2021

اقتوبەدە مۇناي كومپانيالارىنىڭ ەڭبەك داۋى شەشىلدى

184 رەت كورسەتىلدى

تەمىر اۋدانىنىڭ باشەنكول كەنىشىندە مۇناي شىعاراتىن «امك مۇناي» كومپانياسىنىڭ 80 مۇنايشىسى ءتورت كۇندىك ەرەۋىلدى توقتاتىپ، قايتادان جۇمىسقا شىقتى دەپ حابارلايدى Egemen.kz

بۇل ەڭبەك داۋىنا بايلانىستى وبلىستىق اكىمدىكتە قۇرىلعان ۇشجاقتى كوميسسيانىڭ قورىتىندىسى ناتيجەسىندە بەلگىلى بولدى. قاڭتاردىڭ 24-نەن بەرى مۇعالجار اۋدانىنىڭ كوكجيدە كەنىشىندە مۇناي وندىرەتىن «كمك مۇناي» اق-نىڭەڭبەككەرلەرى جالاقىنى  كوتەرۋ، الەۋمەتتىك پاكەتتەردى رەتتەۋ تالابىمەن جۇمىسقا شىعۋدان باس تارتقان بولاتىن. ولارعا  28 قاڭتار كۇنى  تەمىر اۋدانىنىڭ باشەنكول كەنىشىندەگى «امك مۇناي» كومپانياسىندا ۆاحتالىق ادىسپەن جۇمىس ىستەيتىن  80 مۇنايشى قوسىلدى. ەرەۋىلدىڭ ءبىرىنشى كۇنى «امك مۇناي» باسشىلىعى  مۇنايشىلاردىڭ جالاقىسىن 7 پايىزعا كوبەيتۋدى ۇسىنعانىمەن، ولار  بۇل جاۋاپقا كەلىسپەي 100 پايىزعا جوعارىلاتۋ تۋرالى تالاپ قويدى.

وبلىستىق ەڭبەك ينسپەكتسياسى جونىندەگى باسقارما باسشىسى سالامات امانباەۆتىڭ حابارلاۋىنشا،«امك مۇنايدا» 125 ادام جۇمىس ىستەسە، ونداعى ورتاشا جالاقى 77 مىڭ تەڭگە دەپ كورسەتىلگەن. ۇشجاقتى كوميسسيا ناتيجەسىندە مۇناي كومپانياسىمەن ارادا جاڭا ەڭبەك شارتىنىڭ جاسالاتىنى بەلگىلى بولدى.   

«امك مۇناي» كومپانياسى ءار جۇمىسشىنىڭ جالاقىسىنا اقپان ايىنان باستاپ 40 000 تەڭگەدەن قوسۋعا كەلىستى. كومپانيا ناۋرىز مەرەكەسى كەزىندە جۇمىسشىلارىنا 50 پايىز سىياقى بەرەتىن بولدى. مامىر ايىنان باستاپ «امك مۇناي» كومپانياسىنىڭ قىزمەتكەرلەرىمەن جاڭا ەڭبەك كەلىسىمشارتى جاسالادى. جاڭا كەلىسىمشارت جاساعان كەزدە وبلىستىڭ مۇناي سالاسىنداعى ورتاشا جالاقىنى ەسكەرىلەدى»، دەيدى سالامات امانباەۆ.

«امك مۇناي» كومپانياسى «ADA Oil» كومپانياسىنىڭ سۋبمەردىگەرى. باقىلاۋشى پاكەت اكتسيالارى   وڭتۇستىك كورەيانىڭ مەملەكەتتىك ۇلتتىق (Korea National Oil Corporation، KNOC) كورپوراتسياسىنا تيەسىلى «ADA Oil» كومپانياسى ەلىمىزدە قازاق-كارىس بىرلەسكەن كاسىپورنى رەتىندە تىركەلگەن.

وبلىستىق كاسىپوداق ورتالىعىنىڭ باسشىسى التىنبەك امىرعاليەۆ جۇمىس بەرۋشىلەر مەن جۇمىسشىلار اراسىنداعى ەڭبەك داۋىنىڭ ورشۋىنە ۇجىمدا باستاۋىش كاسىپوداق ۇيىمىنىڭ جوقتىعى دا سەبەپ بولدى دەيدى. وسى كەزگە دەيىن  ۆاحتالىق ادىسپەن جۇمىس ىستەيتىندەر جالاقىنىڭ ازدىعى، جاتاقحانانىڭ تالاپقا ساي ەمەستىگى مەن اسحانادا بەرىلەتىن استىڭ ساپاسىزدىعىنا بايلانىستى  باسشىلىققا بىرنەشە رەت ەسكەرتسە دە، ولاردىڭ تالاپتارى نازاردان تىس قالعان. قازىر 125 مۇنايشى جۇمىس ىستەيتىن «امك مۇناي» كومپانياسىندا باستاۋىش كاسىپوداق ۇيىمى قۇرىلىپ، ەڭبەككەرلەرمەن ۇجىمدىق شارت قايتادان جاسالاتىن بولدى.       

سوڭعى جاڭالىقتار

7 ءوڭىر «سارى» ايماقتا

كوروناۆيرۋس • كەشە

كوبەلەكتەر كورمەسى

ايماقتار • كەشە

كوكشەدەگى ونەر سايىسى

ايماقتار • كەشە

"حات قورجىن"

قوعام • كەشە

قوڭىر اۋەن

ونەر • كەشە

بالقاشتان باستاۋ الدى

ايماقتار • كەشە

كوتەرمەاقى كولەمى ءوستى

ايماقتار • كەشە

جىرشىلىق ونەر – جان ازىعى

ونەر • 21 قىركۇيەك، 2021

جاڭارعان جولدار – تاۋەلسىزدىك تارتۋى

قازاقستان • 21 قىركۇيەك، 2021

داعدارىس پەن دارمەنسىزدىك

ەكونوميكا • 21 قىركۇيەك، 2021

ۇلتتى ۇلىقتايتىن سۋرەتكەر

تەاتر • 21 قىركۇيەك، 2021

قازاق شىعارماسى اقش-تا باعالاندى

ادەبيەت • 21 قىركۇيەك، 2021

تاشەنوۆتىڭ قالتا ساعاتى

تاريح • 21 قىركۇيەك، 2021

سيقىرلى ساز

ونەر • 21 قىركۇيەك، 2021

دۇنيەجۇزىلىك كورمە – دۋبايدا

وقيعا • 21 قىركۇيەك، 2021

العا باستايتىن باعىت-باعدار ايقىن

ەل جانە ەلباسى • 21 قىركۇيەك، 2021

تۇراقتى ازىق-ت ۇلىك جۇيەسىن قارجىلاندىرۋ

ەكونوميكا • 21 قىركۇيەك، 2021

نورۆەگيانىڭ ۇلتتىق مىندەتى

الەم • 21 قىركۇيەك، 2021

اقمولا وبلىسىندا زاڭسىز تسەح انىقتالدى

ايماقتار • 21 قىركۇيەك، 2021

ۇقساس جاڭالىقتار