جالپى, ەكپەنى سالۋدىڭ العاشقى كەزەڭىندە 1450 ادامعا كوروناۆيرۋس ينفەكتسياسىنا قارسى ۆاكتسينا سالىنباق. قازىر وسىنشا كولەمدەگى ەكپە دوزاسى وبلىسقا جەتكىزىلگەن. ەگۋ كەزەگىندە ەڭبەكشىقازاق, قاراساي, قاراتال اۋداندارى مەن تالدىقورعان قالاسىنداعى مەديتسينا مەكەمەلەرىنىڭ قىزمەتكەرلەرى تۇر.
ال ەكپە سالدىرۋعا ەرەكتى تۇردە كەلگەن شەنەۋنىكتەر اراسىندا وبلىس اكىمىنىڭ ەكى ورىنباسارى مەن دەنساۋلىق ساقتاۋ باسقارماسى باسشىسىنىڭ ورىنباسارى جانە وبلىستىق سانيتارلىق ەپيدەميالىق باسقارماسى باسشىسىنىڭ ورىنباسارى بار. رەسەيلىك «سپۋتنيك V» ۆاكتسيناسىنا سالدىرۋعا كەلگەن ەرىكتىلەر الدىمەن دارگەرلىك تەكەرۋدەن وتكەن. ەكپەنى العاشقى بولىپ سالدىرعان وبلىس اكىمىنىڭ ورىنباسارلارى باتىرجان بايجۇمانوۆ پەن رۋستام ءالي 30 مينۋت بويى دارىگەلەردىڭ باقىلاۋىندا بولدى. سىناق مەرزىمى وتكەننەن كەيىن ولار جۋرناليستەرگە ارنايى سۇحبات بەرىپ, ۆاكتسينا سالدىرۋدىڭ ماڭىزىنا توقتالدى.
– وبلىس اۋماعىنا «سپۋتنيك V» ۆاكتسيناسىنىڭ 1450 دوزاسى اكەلىندى. قازىر وبلىستىق قان ورتالىعىندا ءتيىستى اۋا تەمپەراتۋراسىمەن جابدىقتالعان ورىندا ساقتاۋلى. ەكپەنىڭ العاشقى كەزەڭى وبلىستىڭ 4 اۋدانىندا باستالدى. نەگىزىنەن مەديتسيانا قىزمەتكەرلەرىنە, ونىڭ ىشىندە جۇقپالى اۋرۋلار اۋرۋحاناسىنڭ قىزمەتكەرلەرىنە الدىمەن سالىنادى. وندان كەيىن ۆاكتسينالاۋ ءىسى ءبىلىم بەرۋ سالاسىن بويىنشا جالعاسادى. جالپى, ەكپە جۇمىسى تولىق قاداعالاۋدا بولادى. ەرىكتىلەر مەن ەكپە سالدىرۋعا مىندەتتى قىزمەتكەرلەردىڭ دەنساۋلىعى ءجىت تەكسەرىلەدى. دەنە قىزۋى بار, قان قىسىمى جوعارى, قانت ديابەتى, جۇرەك سىرقاتى, وكپەنىڭ سوزىلمالى كەسەلى, وبىر, بۇيرەك جەتكىلىكسىزدىگى سياقتى اۋرۋ بەلگىسى انىقتالعان جانە جۇكتى ايەلدەرگە ۆاكتسينا سالىنبايدى. مەن ءوزىم دە ەكپە سالدىردىم. قازىر جاعدايىم جاقسى. 21 كۇننەن كەيىن ەكىنشى ەكپە سالدىرماقپىن, – دەيدى وبلىس اكىمىنىڭ ورىنباسارى رۋستام ءالي.
