– مەن بۇگىن ەرىكتى تۇردە وزىمە ەكپە ەكتىردىم. دارىگەر ماماندار ەكپەدەن كەيىن ينە سالىنعان ورىنعا سۋ تيگىزبەۋگە جانە ەگۋ ورنىن جىلى ۇستاۋعا كەڭەس بەردى. ماماندار كەڭەسىنە سايكەس ارەكەت ەتەتىن بولامىن. مىنا الەمدى جايلاعان ىندەتتىڭ تارالۋ قاۋپىن تەك ەكپە سالدىرۋ ارقىلى عانا تومەندەتە الامىز! سول سەبەپتى بارشا حالىقتى كوروناۆيرۋستان قورعانۋ ءۇشىن ەكپە سالدىرۋعا شاقىرامىن! – دەدى وبلىس اكىمى گۇلشارا ابدىقالىقوۆا.
ەگۋ جۇمىستارى I كەزەڭدە مەديتسينا سالاسىنىڭ قىزمەتكەرلەرىنە, ونىڭ ىشىندە قابىلداۋ, جۇقپالى اۋرۋلار ءبولىمىنىڭ, جانساقتاۋ جانە حيرۋرگيالىق ءبولىم قىزمەتكەرلەرىنە جۇرگىزىلمەك. ءىى كەزەڭدە مۇعالىمدەرگە جانە جۇقتىرۋ قاۋپى نەعۇرلىم جوعارى بولىپ سانالاتىن جۇمىس ورىندارىنىڭ قىزمەتكەرلەرىنە سالىناتىن بولادى.
قىزىلوردا وبلىسىنىڭ حالقىنا العاشقى كەزەڭدە 80 000 دوزا ۆاكتسينا سالىنادى دەپ كۇتىلۋدە.
بۇگىن وڭىرىمىزگە «سپۋتنيك V» رەسەيلىك ۆاكتسيناسىنىڭ 1000 دوزاسى جەتكىزىلدى. قالعانى كەزەڭ-كەزەڭىمەن كەلەتىن بولادى. بۇل جۇمىستارعا العاشقىدا №1, №3 جانە №6 قالالىق ەمحانالاردان 3 ەگۋ كابينەتتەرى دايىندالدى جانە ەكپە جۇمىستارىن جۇرگىزۋگە وبلىس بويىنشا بارلىعى 133 مەيىربيكە, 89 دۋبلەر تارتىلعان.
