سونىمەن, وتىنىشتەردىڭ 94%-عا جۋىعى اۋداندىق اكىمدىكتەر مەن ءتيىستى قالالىق باسقارمالاردا جەدەل شەشىلەدى. سۇراقتاردىڭ باسىم بولىگى قوعامدىق كولىكتەردىڭ جۇمىسىنا, قۇرىلىستىڭ ساپاسىنا جانە جولدار مەن تروتۋارلاردىڭ جاعدايىنا, قوعامدىق قاۋىپسىزدىك پەن ينجەنەرلىك جەلىلەرگە قاتىستى دەۋگە بولادى.
قالالىق بۇقارالىق اقپارات قۇرالدارى جانە الماتى اكىمدىگىنىڭ ءباسپاسوز ورتالىعى اقپاراتتىق-ءتۇسىندىرۋ جۇمىستارىن جۇرگىزىپ وتىرعان كورىنەدى. قالا تۇرعىندارى «الماتى» تەلەارناسىنىڭ اپتا سايىنعى Akimat LIVE باعدارلاماسىنداعى تىكەلەي ەفيردە سۇراقتارىن قويا الادى. 2020 جىلى 96 باعدارلاما تىكەلەي ەفيرگە شىقتى, ونىڭ بارىسىندا قالالىقتاردىڭ 2,4 مىڭ سۇراقتارىنا جاۋاپتار بەرىلدى.
بيىلعى جىلى 6 تىكەلەي ەفير ءوتتى, ونىڭ ىشىندە قالا اكىمىنىڭ قاتىسۋىمەن, ەفير بارىسىندا قالا تۇرعىندارى وزدەرى قويعان 165 سۇراقتارعا جاۋاپتاردى الدى.
قالا اكىمدىگىنىڭ ءباسپاسوز ورتالىعىنىڭ الاڭىندا 2020 جىلى الماتى اكىمدىگى ءبىرىنشى باسشىلارىنىڭ ىشىنەن 623 سپيكەردىڭ قاتىسۋىمەن 356 ءباسپاسوز شاراسى ءوتتى. ءباسپاسوز كونفەرەنتسيالارى بارىسىندا سپيكەرلەر جۋرناليستەردىڭ 3048 سۇراعى بويىنشا تۇسىنىكتەمەلەر بەردى.
ءباسپاسوز ءىس-شارالارىنىڭ قورىتىندىسى بويىنشا 24 مىڭنان استام ماتەريال جاريالاندى, بارلىق تەلەارنالاردا 1,5 مىڭعا جۋىق تەلەسيۋجەت كورسەتىلدى. اعىمداعى جىلدىڭ قاڭتارىندا 84 سپيكەردىڭ قاتىسۋىمەن 45 ءباسپاسوز شاراسى ءوتتى. جۋرناليستەردىڭ 293 سۇراعىنا قاتىستى تۇسىنىكتەمەلەر بەرىلدى, 1000-نان استام ماتەريالدار جاريالاندى.
الماتى قالاسىنىڭ اكىمى ب.ساعىنتاەۆ اتالعان ماسەلەگە قاتىستى جۇرگىزىلگەن جۇمىستاردىڭ قورىتىندىسىن سارالاي كەلە, تۇرعىندارمەن اراداعى جۇمىستى كۇشەيتۋدى, Open Almaty قوعامدىق قابىلداۋدىڭ تيىمدىلىگىن ارتتىرۋدى تاپسىردى.
