قالاداعى زاماناۋي كىتاپ ۇيلەرىنە قاتىستى instagram پاراقشاسىندا جازعان ب.ساعىنتاەۆ كىتاپحانالاردىڭ شاڭ باسقان كىتاپ قويماسى ەمەس, رۋحانيات ورداسىنا اينالىپ وتىرعانىن جەتكىزدى. وسى ورايدا التىنسارين داڭعىلى, 37 مەكەنجايىندا ورنالاسقان جازۋشىلار كىتاپحاناسىنا بارعان قالا باسشىسى اكىمدىكتىڭ قولداۋىمەن جارىققا شىققان ءسوز شەبەرلەرى باسىلىمىنىڭ تانىستىرىلىمىنا قاتىسىپ, جالپى تارالىمى 65 مىڭ دانا بولاتىن 30 ءتۇرلى كىتاپ قالا كىتاپحانالارىنا تاراتىلعانىن جەتكىزدى. سونىمەن بىرگە ب.ساعىنتاەۆ الاتاۋ اۋدانىنداعى جاڭارتىلعان №44, تۇركسىبتەگى №26 مەن №1 كىتاپحانالارىنىڭ جۇمىسىمەن تانىستى. «كىتاپ ساقتاۋدىڭ زاماناۋي جۇيەسى ونداعى بوس ايماقتى ءتيىمدى پايدالانۋعا, ياعني شىعارماشىلىق, شەبەرلىك ساباقتارىن, وتباسىلىق وقۋ ساعاتتارىن وتكىزۋگە ورىن بولۋگە مۇمكىندىك بەرەدى. ءبىز كىتاپحانالاردىڭ جۇمىس ۋاقىتىن بارىنشا ۇزارتىپ, دەمالىسسىز قىزمەت كورسەتۋىنە تىرىستىق. كىتاپحانانىڭ بارىنشا قولجەتىمدى ءارى كەلۋشىلەر ءۇشىن قىزىقتى بولۋىنا ءمان بەردىك. وسى ماقساتتا تانىمال جانە جاس جازۋشىلارمەن كەزدەسۋلەر, شىعارماشىلىق كەشتەر مەن تاقىرىپتىق ۇيىرمەلەر وتكىزىلەتىن بولادى», دەدى اكىم.
الماتى
