ۆاكتسينا داۋى: ۋادە ورىندالماي تۇر

ونىڭ ۇستىنە كومپانيا رەتتەۋشى ورگانداردىڭ ماقۇلداۋىنان كەيىن تاعى 100 ملن ۆاكتسينا بەرۋ مۇمكىندىگىن قاراستىرۋعا ۋادە بەرگەن. الايدا وندىرىستەگى قيىندىقتارعا بايلانىستى ۋادە ەتىلگەن ۆاكتسينا كولەمى ەۋروپاعا جەتپەيتىن سەكىلدى. ناۋرىزعا دەيىن 100 ملن دوزا ۆاكتسينا الۋى كەرەك بولعان ەو ەندى ونىڭ تەك تورتتەن ءبىرىن – 25 ملن دوزاسىن الۋى مۇمكىن. وداق جەتەكشىلەرى كومپانيامەن جاسالعان كەلىسىمشارتتى جاريالاۋ ارقىلى AstraZeneca-عا قىسىم كورسەتكىسى كەلگەنىمەن, ۆاكتسينا ءوندىرۋشىسى نيدەرلاند پەن بەلگيا زاۋىتتارىنداعى قيىندىققا بايلانىستى ۋادەسىن ورىنداي المايتىنىن ايتقان.

وسىعان بايلانىستى ەۋروپا­لىق وداق قاتاڭ سىنعا قال­دى. جازعا دەيىن حالىقتىڭ 70 پايىزىن ۆاكتسينالاۋ­دى ماقسات ەتكەنىمەن, شىن ما­نىن­دە, وزگە دامىعان ەلدەرمەن­ سالىستىرعاندا ەو كوش سو­ڭىندا كەلەدى. جالپى, باسقا­لارمەن سالىستىرعاندا ۆاكتسينا ماسەلەسىندە وداق اسىعىس­تىق تانىتپاعان. ماسەلەن, ۇلىبريتانيا العاشقى COVID-19 ۆاكتسيناسىنا 2 جەل­توق­ساندا رۇقسات بەرگەن. ال ەو بۇل ارەكەتتى تەك اي سوڭىندا قا­بىلداعان. وسىلايشا, ۆاك­تسيناعا رۇقسات بەرۋدىڭ ءوزى ۇزاققا سوزىلعان. ەو ەلدەرىنە ۆاك­تسينانىڭ جەتپەۋى كەش جاسال­عان كەلىسىمشارتتارمەن دە باي­لانىستى بولۋى مۇمكىن. ۇلى­بريتانيا, اقش, يزرايل جانە باسقا دا ەلدەر ۆاكتسينا ون­دىرۋشىلەرىمەن كەلىسىمگە الدە­قايدا ەرتە كەلىپ قويعان. ەو باسشىلىعىنىڭ كەش ارەكەتى باي­قاۋسىز قالمادى.